,,Já þetta var fyrsta heimsóknin í Eyjafjarðará en örugglega ekki sú síðasta, ég var á svæði þrjú“ sagði Aron Sigurþórsson er við heyrðum í honum ný komnum úr henni með flotta fiska. ,,Fyrri daginn veiddi ég meðal annars 6 punda bleikju en seinni daginn í ánni þennan væna urriða.
Hann var 14 punda og ég var með hann á í einar 20 mínútur. 81 sentimetri, þetta var bara fjör. Við fengum 4 birtinga seinna daginn og þetta var skemmtileg á, en ég ég búinn að fara einn og einn veiðitúr í sumar“ sagði Aron enn fremur.
Eyjafjarðaráin hefur verið að gefa flotta fiska í sumar, sjóbirtingurinn sækir á en bleikan er til staðar og alltaf flott þegar hún tekur flugur veiðimanna.
Ljósmynd/Aron Sigurþórsson með 14 punda sjóbirting úr Eyjafjarðará
Stangveiði – Veiðin.is · Lesa meira
Eyjafjarðará