Hjaltadalsá og Kolbeinsdalsá eru gjöfular sjóbleikjuár í fallegu og sögulegu umhverfi í nágrenni Hóla í Hjaltadal. Árnar sameinast fyrir neðan þjóðveg og heitir sameiginlegt vatnsfall þeirra Kolka og ósinn Kolkuós. Árnar eru straummiklar og halda vatni mjög vel yfir veiðitímann; skemmtilegar ár með stríðum strengjum, lygnum breiðum og djúpum hyljum. Bleikjan er á bilinu 1,5 – 2,5 pund en að sjálfsögðu eru stærri innan um. Í ánum er talsverð laxavon og hafa þær gefið um 30-40 laxa undanfarin sumur, en mest um 100 laxa. Silungsveiðin hefur verið jöfn eða um 300 – 400 bleikjur og slæðast alltaf með stöku sjóbirtingar. Í boði eru hálfir dagar til tveggja daga holl.
Lítið, ágætt veiðihús stendur við Efri-Ás. Undanfarin ár hefur aðstaðan verið stórbætt með því að leiða rafmagn og heitt vatn í húsið og byggja pall við það. Í húsinu eru tvö svefnherbergi og svefnloft, í allt svefnplass fyrir átta manns. Vöðlugeymsla er í húsinu. Veiðimenn verða að koma með sængurföt og handklæði og þrífa húsið að lokinni dvöl. Hægt er að panta þrif og munu upplýsingar um það vera í húsinu.
Ekið er hjá Varmahlíð í Skagafirði og í áttina að Sauðárkróki. Þaðan er ekið norður yfir brýrnar á Héraðsvötnum. Þegar komið er yfir brýrnar er beygt til vinstri, og keyrt í ca. 10 mínútur þangað til komið er að skilti merkt ,,Heim að Hólum”. Þar er beygt upp Hjaltadal og ekið áfram þar til komið er að brú yfir Hjaltadalsá. Veiðihúsið stendur við Efri-Ás. Einnig er hægt að fara þjóðveg 1 áfram norður frá Varmahlíð og beygja til vinstri við skilti sem merkt er Hofsós-Siglufjörður. Þetta á auðvitað öfugt við ef komið er frá Akureyri.
Í Kolbeindalsá eru 15 merktir veiðistaðir upp að stíflu og í Hjaltadalsá eru um 40 merktir veiðistaðir. Í Kolku er 5 merktir veiðistaðir
Hofsós: um 24 km, Akureyri: 123 km og Reykjavík: 317 km
Akureyrarflugvöllur: 125 km
Byggðasafn Skagafjarðar s: 453-6173, www.glaumbaer.is
Hólar í Hjaltadal og stutt er í sundlaugina á Hofsósi
Frá 15. ágúst til 20. september er seinni vaktin frá kl. 15:00-21:00
Tvær veiðifjölskyldur eru nú við veiðar í Kolku í Skagafirði, en svo nefnast Hjaltadals- og Kolbeinsdalsá sem heita Kolka eftir að þær renna saman núna um helgina.Þar landaði Jóhann Nóel
