17000 kr. – 50000 kr.
Breiðdalsá á upptök sín til fjalla þar sem lækir tínast saman og verður svo til þar sem Tinnudalsá, Suðurdalssá, og Norðurdalsá renna saman. Umhverfi Breiðdalsár er stórbrotið og sagt er að menn veiði óvíða í eins fallegri á. Stórlaxavonin er mikil og laxar um og yfir 10 kg veiðast árlega. Nú er hægt að kaupa staka daga án fæði eða gistiskyldu til 11 júlí og frá 10 september! Einnig geta veiðihópar sem taka allar stangirnar keypt gistingu í Veiðihúsinu Eyjar án fæðis ef þess er óskað.
Ferðamöguleikar eru með bíl í Breiðdalinn eða með flugi til Egilsstaða. Ef menn velja flugið þá er hægt að ráða leiðsögumann með bíl á vegum Strengja eða leigja bíl á Egilsstaðaflugvelli og þaðan eru einungis rúmir 100 km til Breiðdalsár.
Á bökkum Breiðdalsár í landi Eyja, sem eru neðarlega við ána, er fallegt veiðihús sem býður upp á eina glæsilegustu gistiaðstöðu á landinu. Þar eru átta tveggja manna herbergi, hvert með sérbaðherbergi, gervihnattasjónvarpi og internettengingu. Glæsisvíta býðst þeim sem virkilega kunna að vera góðir við sjálfa sig. Í húsinu er gufubað og þaðan er útgengt að heitum potti. Borðstofa og setustofa eru með góðum aðbúnaði, þar sem glæsilegur arinn er áberandi. Stór verönd er með grilli og góðri aðstöðu til útiborðhalds. Glæsilegt útsýni er yfir ómótstæðilegan fjallahring Breiðdalsins. Veiðimenn eru velkomnir í hús 30 míútum fyrir veiðitíma.
Gisting fyrir tvo með morgunmat kostar 40.000 kr
Einungis er leyfð fluga til hádegis 1. sept, eftir það má veiða á blandað agn
Frá 20.06 – 19.07 og 10.09 – 20.09 er veitt með 6 stöngum og skiptingar eru með 3 tíma fresti. Frá 19.07 til og með 10.09 (fh) er veitt með 8 stöngum.
Laxveiðisvæði Breiðdalsár spannar alla ánna ofan silungasvæðisins, auk Suðurdalsáar og Norðurdalsáar
Egilsstaðir: um 100 km, Akureyri: 347 km um Vaðlaheiðargöng, Reykjavík: 610 km
Egilsstaðaflugvöllur: um 102 km
Jóhann D. Snorrason, 793-7979
Ripp Sporting hefur undirritað tíu ára leigusamning við veiðifélag Breiðdalsár. Félagið tekur við ánni á næsta ári en Strengir ehf, félag Þrastar Elliðasonar er með Breiðdalsá á leigu í sumar.
Fyrsti laxinn úr Breiðdalsá Veiði hófst í Breiðdalsá í morgun og í öðru kasti tók lax við Möggustein, Sunray Shadow fluguna. Var það lúsug hrygna 70 cm. og veiðimaðurinn er
