24200 kr. – 34100 kr.
Leit er að fallegra veiðivatni en í landi Alviðru við Sog. Svæðið er uppáhald margra stangveiðimanna því það er ægifagurt og stórlaxarnir, sem sjást öðru hverju á „Öldunni“, hafa valdið margri andvökunótt. Hér, sem annars staðar í þessari mestu bergvatnsá landsins, er kjörið að veiða á flugu. Seldir eru heilir dagar, frá morgni til kvölds og þar sem Alviðra er skammt frá höfuðborgarsvæðinu er tilvalið að mæta að morgni og veiða fram á kvöld. Þetta er vafalaust afar vanmetið svæði.
Veiðimönnum er boðin gisting í rúmgóðu, heillandi og nýuppgerðu sjálfmennsku húsi. Það býður upp á þrjú tveggja manna herbergi, rúmgóða opna stofu með borðkrók, vel búið eldhús og sameiginlegt baðherbergi með sturtu. Á verönd á suðurhlið húsins er grill og borðkrókur. Boðið er upp á björgunarvesti fyrir veiðimenn og mælt með notkun þeirra þar sem áin er djúp á köflum og straumur getur verið mikill. Veiði á Alviðru svæðinu hentar sérstaklega vel fyrir smærri veiðihópa.
Hægt er að útvega þrif við brottför. Veiðileiðsögumenn og einkakokk er einnig hægt að útvega sé þess óskað. Vinsamlegast kynnið ykkur húsreglur og veiðireglur við komu.
Varasamt getur verið að vaða ánna og ráðlagt að nota vesti (ráðlegging, en ekki regla)
Sleppa þarf öllum löxum, en má hirða bleikjur
Veiðisvæðið er vesturbakki Sogs í landi Alviðru og austurbakki neðan brúar við Þrastarlund
Aðeins eru 10 km til Selfoss og um 50 km til Reykjavík
Hægt er að fá veitingar í Þrastarlundi eða fara inn á Selfoss
Þó nokkur fjöldi fólks var saman kominn á opin veiðidag í Alviðru í Soginu í gær á vegum Landverndar, sem er eigandi jarðarinnar og Stara ehf, sem er leigutaki Alviðru.
