Miðá er á vinstri hönd þegar ekið er norður Miðdalina, dágott vatnsfall sem í falla margir lækir og smáár. Áin hefur lengi verið talin með betri sjóbleikjuám landsins og þar er einnig prýðisgóð laxveiði. Sú mesta var sumarið 2013, þegar alls 700 laxar komu á land. Hér áður fyrr var ekki óalgengt að þarna veiddust 40 til 60 laxar og 400 til 600 bleikjur. Nú er laxinn að koma sterkt inn aftur en dregið hefur úr bleikjuveiðinni. Veitt er með þremur stöngum í Miðá. Slæmur húsakostur dró nokkuð úr vinsældum árinnar, eða þar til 1998 að byggt var glæsilegt veiðihús með öllum helsta búnaði. Menn sjá þó um sig sjálfir.
Veiðihúsið er við Tunguá, rétt neðan við Kvennabrekku. Það er með 3 svefnherbergjum og svefnplássi fyrir 6 manns. Eldhúsið er fullbúið og góð setustofa. Við húsið er pallur þar sem er grill og heitur pottur. Garðurinn við veiðihúsið er snyrtilegur og afgirtur og sumir velja að koma einnig með hverskyns ferðavagna eða tjöld og gista þar líka.
Sleppa þarf laxi yfir 70 cm (undantekning er ef maðkveiddur lax hefur skaddast mikið)
Veiðisvæðið nær frá ósi upp að Bæjargili við Breiðabólstað og upp að Svalbarðsfossi í Tunguá
Búðardalur: 15 km, Reykjavík: 140 km og Akureyri: 280 km
Stangaveiðifélag Reykjavíkur, SVFR s. 568-6050, [email protected]
Eftir 15. ágúst er veitt frá 15:00 – 21:00 á seinni vaktinni
„Við erum að opna Miðá í Dölum og það gengur vel skal ég segja þér kallinn, erum búnir að fá þrjá laxa og tvær bleikjur,“ sagði Heiðar Logi Elíasson þegar
Stangaveiðifélag Reykjavíkur hefur samið um leigu á veiðirétti í Miðá í Dölum og Tunguá frá og með sumrinu 2022. Ragnheiður Thorsteinsson, varaformaður SVFR, og Guðbrandur Þorkelsson, formaður Fiskræktar-og veiðifélags Miðdæla,
