Þetta vinsæla vatnasvæði á Snæfellsnesi er frábær kostur í silungsveiði og einnig er þar drjúg laxveiði. Fyrri hluta sumars ber mest á silungi, bæði bleikju og urriða, en þegar líður á júlí eykst laxavon á svæðinu. Þetta er frábær og ódýr kostur fyrir áhugafólk um vatnaveiðar. Það er mikill fiskur í vötnunum en veiðin getur verið upp og ofan, allt eftir veðri og vindum. Laxinn er yfirleitt smálax (en allt að 19 punda fiskar hafa þó veiðst) og silungurinn er frá 400 gr -1.000 gr. Mesta laxveiðin hefur verið í Vatnsholtsá sem fellur til sjávar milli bæjanna Ytri Garða og Vatnsholts í Staðarveit.
Flottir fiskar á Vatnasvæði Lýsu
„Við skruppum aðeins á Vatnasvæði Lýsu á sunnudag síðasta og fengum átta flottar bleikjur,“ sagði Harpa Hlín Þórðardóttir, sem var að veiða á svæðinu með Stefáni Sigurðssyni og dóttur. En