60000 kr. – 140000 kr.
Laxá í Kjós og Bugða hafa um langt árabil verið með bestu laxveiðiám landsins. Náttúrufegurð er mikil í Kjósinni og fjöldi fallegra veiðistaða. Veiðisvæðið er um 25 km langt með 92 merkta veiðistaði. Laxá í Kjós er skemmtileg fluguveiðiá og flesta veiðistaði má veiða með einhendu. Áin er kominn í nýjar hendur, veiðileyfi hafa lækkað og veiðihúsið hefur fengið yfirhalningu. Góður veiðikostur þarna á ferð.
Veiðimenn gista í hinu glæsilega veiðihúsi við Ásgarð skammt ofan við þjóðveginn. Húsið er reist árið 2006 og er með glæsilegustu veiðihúsum landsins. Þar eru 12 tveggja manna herbergi, öll með útsýni yfir ána og sturtu og salerni. Rúmgóður matsalur er í húsinu, með stórbrotnu útsýni yfir ána og falleg setustofa með arni.
Frá Reykjavík er ekinn þjóðvegur 1 (Vesturlandsvegur) í átt að Hvalfjarðargöngum. Stuttu áður en komið er að göngunum er beygt til hægri og ekið inn Hvalfjörð þar til komið er að brúnni yfir Laxá í Kjós. Ekið er yfir brúna, beygt strax til hægri og ekinn um einn km og er þá komið að afleggjara að veiðihúsinu á hægri hönd.
Veiðisvæðið nær frá Sjávarfossi og upp að Skugga. Einnig öll Bugða, frá Meðalfellsvatni að Laxá í Kjós. Alls um 25 km
Reykjavík: 48 km, Reykjanesbær: 90 km, Selfoss: 90 km og Akureyri: 370 km
Kaffi Kjós: 6 km og Bjarteyjarsandur: 28 km
Glymur: Hæsti foss Íslands (23 km að uppgönguleið), Meðalfellsvatn er stutt frá, sem er gott veiðivatn.
Hernámsetrið s: 433-8877, warandpeace.is
Höklar ehf s: 845-4595, [email protected]
Fyrstu laxarnir sáust í Laxá í Kjós skömmu eftir kvöldmat í kvöld. Það var Sigurberg Guðbrandsson leiðsögumaður sem sá þá og staðfesti við Sporðaköst að hann hefði séð tvo nýrunna
Laxá í Kjós hefur tekið miklum breytingum í þeim vorleysingum sem þegar hafa orðið. Fyrirsjáanlegt er að meiri leysingar eru framundan þegar hlýnar á ný. Nýliðinn vetur er sá snjóþyngsti
Þúsundasti laxinn veiddist í Laxá í Kjós í gærdag. Það var Svavar Hávarðsson,ritstjóri Fiskifrétta sem setti þann þúsundasta. Grannt var fylgst með allri veiði þegar ljóst var að þúsundasti laxinn
Loksins kom rigning í Kjósina. Laxá í Kjós gaf 32 laxa í fyrradag. Eftir að rigndi loksins og Laxá komst í kjörvatn í fyrsta skipti í langan tíma, stóð ekki
