26000 kr. – 26000 kr.
Baugstaðaós er skammt austan Stokkseyrar. Til hans fellur auk Hróarsholtslækjar, Baugstaðaá sem kemur úr Skipavatni og eru veiðimörk við útfallið úr vatninu. Fiskur gengur bæði um ósinn í Hróarsholtslæk (Vola) og Baugstaðaá. Ósinn á sér langa sögu, einkum fyrir góða sjóbirtingsveiði. Fiskurinn er misstór: frá 1 pundi upp í 16 punda bolta. Þegar göngur koma er oft mjög líflegt og má segja að ósinn kraumi af fiski þegar mest er um að vera. Nokkrir laxar koma einnig á land á hverju sumri, flestir á bilinu 5-10 pund. Þá er ótalin sjóbleikja sem lítillega verður vart við bæði í ósnum og einnig í Vola og gæti verið spennandi fyrir áhugasama fluguveiðimenn að kanna betur, t.d. snemma að vori.
Veiðihús fylgir svæðinu og stendur það á lækjarbakkanum að austanverðu rétt við veginn. Húsið er merkt Veiðihúsið Tungu. Þar er svefnaðstaða fyrir 4-6 manns, rennandi vatn, salerni, raflýsing (sólarrafhl.), gashitun, gashellur o.fl. Veiðimenn skulu rýma húsin fyrir kl. 19.00 að kvöldi brottfarardags til að gefa þeim sem á eftir koma kost á að koma sér fyrir áður en veiði hefst kl. 20.00. Veiðimönnum ber að þrífa húsið vandlega fyrir brottför og fjarlægja rusl.
Eingöngu er heimilt að veiða á flugu eftir 10. október og ber að sleppa öllum sjóbirtingi á þessum tíma.
Veiðibók: Liggur frammi í veiðihúsi, veiðimönnum er skylt að skrá allan afla.
Veiðisvæðið nær frá brú skammt fyrir ofan veiðihús niður í sjó og frá útfalli Skipavatns. Tiltölulega stutt og með 10 merkta veiðistaði
Stokkseyri: einungis 5 km, Selfoss: um 20 km, Reykjavík: um 70 km, Akureyri: um 440 km
Félagar í SVFS fá úthlutað, eftir það eru öll leyfi seld á leyfi.is
Veiðivörður: Björgvin Njáll Ingólfsson, Tungu s: 693-3010 / 566-8191
frá 07:00 – 22:00. Veiðileyfi gildir frá kl. 20:00 – 22:00 kvöldið fyrir veiðidag og frá kl. 07:00 – 19:00 að kvöldi veiðidags
Frábært í Stóru Laxá í Hreppum „Við vorum í Baugstaðaós og veiðin gekk flott, rígvænir fiskar,“ sagði veiðimaður sem var þar fyrir skömmu en Baugstaðaós hefur gefið yfir 300 sjóbirtinga
