Brúará vöknuð til lífsins
apríl 16, 2023
Engar athugasemdir
Veiðimenn sem voru í Brúará í dag, 16. apríl, lönduðu 4 bleikjum og misstu 3 aðrar. Veðrið lék við veiðimönnum og var töluvert líf, einna helst þó efst í Felgunni.
Suðurland
Eigandi myndar: Iceland Outfitters
Veiðin
Brúará er vinsæl bleikjuveiðiá á suðurlandi og eru ófair veiðimennirnir sem hafa stundað hana í gegnum árin. Óhætt er að segja að áin sé eitt vandveiddasta og mest krefjandi veiðisvæði landsins. Brúará er næst vatnmesta bergvatnsá landsins, á upptök sín í Brúarárskörðum, Laugardalsfjöllum og Úthlíðarhrauni og rennur rúmlega 40 km í Hvítá. Í Brúará veiðist bæði bleikja og urriði og einnig er þar ágætis laxavon þegar líður á sumarið. Áin er talin laxgeng um 27 km, að Hlauptungufossi. Vinsælustu veiðisvæðin eru Spóastaðir og Sel og er aðgengi að þeim gott, þá aðallega að Spóastaðasvæðinu þar sem brúin er yfir ána við afleggjaran til Skálholts og Laugarás.
Gisting & aðstaða
Veiðihús
SPÓASTAÐIR: Lítill veiðikofi fylgir seldum veiðileyfum, þar sem veiðimenn geta haft afdrep, borðað nesti, og farið á snyrtingu.
Gistihús
Gistiheimilið Sel, s: 893-9294
Veiðireglur
Biðlað er til veiðifólks að veiða hóflega og sleppa öllum bleikjum yfir 50 cm þar sem þær eru mikilvægustu hrygningarfiskarnir. Öllum laxi skal sleppt.
SEL: Veiðibók liggur frammi í Gistiheimilinu Seli en skylt er að skrá allan afla í veiðibók
Stangarfjöldi á Spóastöðum er 8 stangir nema 10. – 20. ágúst, þá eru 4 stangir. Ekki hefur verið viðhöfð eiginleg skipting á veiðisvæðum fyrir landi Spóastaða. Veiðimenn eru hvattir til að sýna tillitssemi og góða háttvísi.
Kort og leiðarlýsingar
Brúara – SEL
Veiðisvæðið fyrir landi Sels er um 5 km langt og er nú veidd þar á aðeins 4 stangir. Fyrri part sumar veiðist hvor tveggja urriði og bleikja en þegar komið er lengra inn á sumarið er mest um bleikju. Eftirspurn hefur aukist, enda er auðvelt að komast að svæðinu, veiðivon er góð og náttúrufegurð mikil. Ekki er bífært meðfram ánni og verða menn því að leggja á sig nokkurt labb. Allir þeir sem heimsækja svæðið eru beðnir að ganga vel um og veiða hóflega.
Bestu veiðistaðir eru Eyrin fyrir neðan Brúm Staurinn, Hrafnaklettar, fossinn Dynjandi, Fossbrún og Felgan (ofan Hólmatagls)
Til að komast að veiðisvæðinu er keyrt af þjóðvegi eitt inn á Biskupstungnabraut (35) stuttu áður en komið er á Selfoss. Ekin er svo bein leið þar til að komið er að Brúará.
Brúara – SPÓASTAÐIR
Veiðisvæðið spannar um 4.6 km kafla á austurbakka Brúarár. Ólíkt og er fyrir landi Sels, er hægt að keyra að eða nálægt flestum veiðistöðum í landi Spóastaða. Helsta veiðin er bleikja, en einnig veiðist urriði snemma á tímabililinu og svo stöku lax og sjóbirtingur. Þeir sem þekkja hér til hafa oft gert ævintýralega veiði, mest með því að veiða á þyngdar púpur andstreymis.
Bestu veiðistaðir eru Breiðibakki (tunna við bakkan), Brúin, Klöppin, Ferjunef, Kerlingarvík, Hrafnaklettar og Dynjandi
Keyrt er yfir brúna við Brúará og tekinn afleggjarinn til hægri í átt að Skálholti. Spóastaðir er næsti bær vestan við Skálholt, er á mörkum Biskupstungnabrautar og Skálholtsvegar.
Þjónusta í nágrenninu
Fjarðlægð til bæja
Reykholt: 6 km, Selfoss: 36 km, Hella: 54 km, Reykjavík: 90 km, Reykjanesbær: 127 km og Akureyri: 422 km
Veitingastaðir
Reykholt: 6 km og Laugarás: 5km
Áhugaverðir staðir
Skálholt: 3 km, Slakki: 6 km, Friðheimar: 7 km, Faxi: 15 km, Secret Lagoon: 19 km, Geysir: 26 km og Gullfoss: 36 km
Veiðileyfi og upplýsingar
Veiðivarsla Sel: Árni Kristinn Skúlason s: 616-1988
Spóastaðir: Áslaug Jóhannesdóttir s: 486 8863.
Daglegur veiðitími
Varðandi daglegan veiðitíma
SEL: Veitt er frá 8:00 – 20:00 (ekkert hlé). SPÓASTAÐIR: frá kl 8:00 til 22:00 (1 apríl – 20 ágúst) en frá kl 8:00 til 21:00 (21 ágúst – 25 september).
Staðsetning
Suðurland
Vinsælar flugur
Fréttir af veiði Brúará