25000 kr. – 45000 kr.
Fossálar er nokkuð vatnsmikil á sem á upptök sín sunnan undir Miklafelli á Austur-Síðuafrétti í um 600 m yfir sjávarmáli og fellur til Skaftár austast á Síðunni. Helst veiðist sjóbirtingur í Fossálum en þó veiðist þar bleikja snemmsumars. Haustveiðin og sjóbirtingurinn er hinsvegar aðalsmerki Fossála. Það eru margir fínir veiðistaðir með nokkrum djúpum hyljum í fallegu umhverfi. Rétt er að veita svæðinu Syðri-Ál nokkra athygli því þar er oft ágæt veiði þó það láti lítið yfir sér. Veiðin er bleikja fyrri hluta sumars og sjóbirtingur er líða tekur á.
Mjög gott veiðihús er við ána og er aðstaða eins og best verður á kosið. Húsið er rafvætt og í því eru tvö þriggja manna herbergi. Það er staðsett við hraunjaðarinn við Syðri-Ál í ákaflega fallegu umhverfi og er náttúrufegurð svæðisins einstök. Menn mega koma í veiðihúsið einni klukkustund áður en veiði hefst og skulu rýma húsið fyrir kl. 14:00 brottfarardag. Þeim ber að þrífa húsið fyrir brottför og fjarlægja rusl. Veiðimenn leggja sjálfir til sængur, sængurfatnað, tuskur og viskustykki.
Sleppiskylda er á öllum fiski í vorveiði, en hirða má 2 fiska pr. dag á stöng í sumar- og haustveiði. Eingöngu er leyfð fluga í vorveiði, en fluga maðkur og spúnn í sumar- og haustveiði. Veitt er í tveggja daga hollum í vor- og haustveiði, en 4 daga hollum í sumarveiði (frá 20 júní – 7. ágúst).
Ekinn er þjóðvegur 1 sem leið liggur yfir brúna yfir Fossálana og tekinn fyrsti vegslóði til hægri af þjóðvegi 1 í gegnum merkt hlið. Þar er slóðanum fylgt, sem er vel merktur þar til að húsinu kemur.
Veiðisvæðið nær frá landamærum gegnt Orrustuhól og til merkja á Brunasandi þar sem veiðisvæði Vatnamóta tekur við. Syðri-Áll fylgir þessu svæði og eru upptök hans við hraunbrúnina, hjá veiðihúsinu og sameinast Fossálum á Brunasandi
Kirkjubæjarklaustur er stutt frá, Selfoss: 208 km, Reykjavík: 267 km og Akureyri: 636 km
Frá 15. ágúst er veitt frá 7-13 og 15-21 og einnig í vorveiðinni 1. apríl – 31. maí
Veiðifélagið Fish Partner er farið að selja veiðileyfi í Fossálana sem renna í Vatnamót, skammt austan við Klaustur. Fossálar eru einstaklega falleg veiðiá og í fyrsta skipti sem almenningi stendur
