Fossálar

Suðurland
Eigandi myndar: svfk.is
Calendar

Veiðitímabil

01 apríl – 18 október

Bait

Leyfilegt agn

Fluga, Maðkur, Spúnn
Fishing rod

Fjöldi stanga

3 stangir
Stop

Kvóti

2 fiskar á stöng/dag

Gistimöguleikar

Veiðihús
Information

Leiðsögn

ekki í boði
Accessibility

Aðgengi

Þægilegt aðgengi, Þarfnast leyfi, Jepplingar
Dollar

Verðbil

heill dagur

3100 kr. – 40000 kr.

Veiðin

Fossálar er nokkuð vatnsmikil á sem á upptök sín sunnan undir Miklafelli á Austur-Síðuafrétti í um 600 m yfir sjávarmáli og fellur til Skaftár austast á Síðunni. Helst veiðist sjóbirtingur í Fossálum en þó veiðist þar bleikja snemmsumars. Haustveiðin og sjóbirtingurinn er hinsvegar aðalsmerki Fossála. Það eru margir fínir veiðistaðir með nokkrum djúpum hyljum í fallegu umhverfi. Rétt er að veita svæðinu Syðri-Ál nokkra athygli því þar er oft ágæt veiði þó það láti lítið yfir sér. Veiðin er bleikja fyrri hluta sumars og sjóbirtingur er líða tekur á. 

Gistimöguleikar

Veiðihús

Án þjónustu

Mjög gott veiðihús er við ána og er aðstaða eins og best verður á kosið. Húsið er rafvætt og í því eru tvö þriggja manna herbergi. Það er staðsett við hraunjaðarinn við Syðri-Ál í ákaflega fallegu umhverfi og er náttúrufegurð svæðisins einstök. Menn mega koma í veiðihúsið einni klukkustund áður en veiði hefst og skulu rýma húsið fyrir kl. 14:00 brottfarardag. Þeim ber að þrífa húsið fyrir brottför og fjarlægja rusl. Veiðimenn leggja sjálfir til sængur, sængurfatnað, tuskur og viskustykki.

Veiðireglur

Sleppiskylda er á öllum fiski í vorveiði, en hirða má 2 fiska pr. dag á stöng í sumar- og haustveiði. Eingöngu er leyfð fluga í vorveiði, en fluga maðkur og spúnn í sumar- og haustveiði. Veitt er í tveggja daga hollum í vor- og haustveiði, en 4 daga hollum í sumarveiði (frá 20 júní – 7. ágúst).

Kort og leiðarlýsingar

Ekinn er þjóðvegur 1 sem leið liggur yfir brúna yfir Fossálana og tekinn fyrsti vegslóði til hægri af þjóðvegi 1 í gegnum merkt hlið. Þar er slóðanum fylgt, sem er vel merktur þar til að húsinu kemur.

Veiðisvæðið nær frá landamærum gegnt Orrustuhól og til merkja á Brunasandi þar sem veiðisvæði Vatnamóta tekur við. Syðri-Áll fylgir þessu svæði og eru upptök hans við hraunbrúnina, hjá veiðihúsinu og sameinast Fossálum á Brunasandi

Þjónusta í nágrenninu

Fjarðlægð til bæja

Kirkjubæjarklaustur er stutt frá, Selfoss: 208 km, Reykjavík: 267 km og Akureyri: 636 km

Veiðileyfi og upplýsingar

Daglegur veiðitími

Morgunvakt

07:00 – 13:00

Kvöldvakt

16:00 – 22:00

Staðsetning

Suðurland

Vinsælar flugur


Fréttir af veiði Fossálar

Engin nýleg veiði er á Fossálar!

Shopping Basket