3000 kr. – 62000 kr.
Geirlandsá er án vafa ein af bestu sjóbirtingsám landsins. Veiðivon er fyrst og fremst mjög vænn sjóbirtingur með þó nokkurri laxveiði og bleikjuvon. Áin er 22 km löng bergvatnsá og á upptök sín í Geirlandsárbotnum sem er í 500-600 m hæð yfir sjávarmáli upp á vesturhálendi Kaldbaks. Fyrir neðan Hagafoss rennur áin í hrikalega fögrum gljúfrum sem breikka svo er neðar dregur en þar rennur áin í sveig um gljúfurbotninn og að lokum um flatlendi á malarbotni og söndum.
Gott veiðihús er við ána með fjórum tveggja manna herbergjum (kojur), eldhúsi, setustofu, baðherbergi með salerni og sturtu. Eldhúsið er búið helstu raftækjum ásamt eldavél með bakarofni. Gasgrill er einnig á staðnum. Veiðimenn mega koma í veiðihúsið einni klukkustund áður en veiði hefst og skulu rýma húsið klukkan 14 brottfarardag. Mönnum ber að þrífa húsið fyrir brottför og fjarlægja rusl. Þeir leggja sjálfir til sængur, sængurfatnað, tuskur og viskustykki.
Leyfð er fluga og spúnn í vorveiði, en fluga, spúnn og maðkur í sumar- og haustveiði. Leyfilegt er að hirða 2 fiska á stöng hvern dag. Mönnum ber að sleppa fiski sem er kominn í hrigningarfasa og ráðlagt að sleppa fiski sem er 70 cm og lengri. Á vorin skal sleppa öllum niðurgöngufiski
Seld eru tveggja daga holl (hálfur, heill og hálfur dagur), en frá 20. júní til 5. ágúst eru seldir 3 dagar saman (hálfur, heill, heill, hálfur dagur)
Ekið er sem leið liggur eftir þjóðvegi 1 til Kirkjubæjarklausturs. Beygt er við hringtorgið á Kirkjubæjarklaustri og keyrt inn áfram um 3 km á veg 203 sem er Geirlandsvegur. Þar skammt innan við bæinn Geirland er tekin vinstri beygja inn heimreiðina að veiðihúsinu sem er staðsett í skógarlundi undir fjallinu Kylli.
Veiðisvæðið er um 12 km langt og nær frá Ármótum upp að Fosshyl – Hagafoss
Örstutt frá Kirkjubæjarklaustri, Selfoss: um 200 km, Reykjavík: 260 km og Akureyri: um 630 km
frá 1. apríl til 1. maí er veitt frá kl 7:00-13:00 og 15:00-21:00. Frá 15. ágúst til 18. okt. er veitt frá kl 7:00-13:00 og 15:00-21:00
Það hefur legið í loftinu í allt haust að Fish Partner sé að taka Geirlandsá á leigu en þá eru þeir komnir með flestar sjóbirtingsár á svæðinu; Tungufljót, Vatnamótin, Fossálana
Holl sem nú er að veiða í Geirlandsá er í sannkallaðri mokveiði. Í gærkvöldi var hópurinn að nálgast sextíu fiska eftir þrjár vaktir eða einn og hálfan dag. Það er
Fínasta veiði hefur verið í Geiralandsá í apríl. Holl sem er þar að veiðum núna var komið með þrjátíu fiska eftir einn og hálfan dag. Þessir stóru er farnir að
Geirlandsá hefur verið gefa fína veiði og eitt og eitt tröll. Arthur Karlsson og félagar voru að enda í Geirlandi nú eftir hádegi og gerðu flotta veiði við erfiðar aðstæður,
