Haffjarðará er ein af þekktustu laxveiðiám landsins. Hún rennur um stórbrotið umhverfi Rauðhálsahrauns og Eldborgarhrauns á leið til sjávar. Mikið er af góðum veiðistöðum í ánni og má þar helst nefna Kvörnina, Grettir, Sauðhyl, Urðina, og Nesenda. Haffjarðará er að nokkuð sérstök að því leyti að hún er að öllu sjálfbær og engum seiðum er sleppt í hana. Veiðin hefur nokkuð sveiflast í gegnum tíðina og hefur farið úr tæplega 500 löxum og upp í rúmlega 2000 laxa yfir árið í seinni tíð.