Haukadalsá á upptök sín í Haukadalsvatni sem er stærsta stöðuvatn Dalasýslu. Vatnið sér ánni fyrir stöðugum vatnsbúskap vel inn í ágúst jafnvel í verstu þurrkasumrum. Áin hefur verið kölluð hin fullkomna fluguveiðiá. Hún er einungis um 8 km löng en þó með um 40 merkta veiðistaði þannig að hér tekur hver veiðistaðurinn við af öðrum. Áin er kjörin fyrir flotlínu og smáar flugur og gárubragðið.
Veiðihúsið er notalegt og vel búið, staðsett á árbakkanum. Það er með 6 tveggja manna herbergjum sem hvert hefur sér baðherbergi með sturtuaðstöðu. Til viðbótar er auka sturta, sauna-klefi og heitur pottur. Einnig er góð vöðlugeymsla. Full þjónusta er í húsinu frá 30. júní til 3. september. Frá opnun til 30. júní og svo frá 1. sept og út veiðitímann eru uppábúin rúm og þrif á skiptidögum. Húsgjald er innifalið í verði veiðileyfa.
Hirða má einn lax undir 70 cm. Enginn kvóti er á silungsveiði
Beygt er af þjóðvegi 1 norðan við Borgarnes inn á þjóðveg 60 í átt að Búðardal. Skammt sunnan við Búðardal, áður en farið er yfir brúnna á Haukadalsá er beygt til hægri inn á veg 568 og svo strax til vinstri inn á bílaplanið við veiðihúsið.
Veiðisvæðið nær frá Vatnskvörninni og niður að Sjávarfljóti. Í ánni eru 40 veiðistaðir á um 8 km kafla, sem skiptist í 5 svæði
Buðardalur: 10 km / Reykjavík: 170 km
Reykjavíkurflugvöllur: 175 km
Stangaveiðifélag Reykjavíkur, [email protected] s: 568-6050
„Já við erum að opna Haukadalsá og það eru komnir fjórir laxar á land, allt tveggja ára laxar, en áin opnaði í gærdag,“ sagði Gunnar Helgason leikari, sem er að
