Hítará er ein af vinsælustu laxveiðiám landsins, enda veiðin þar einstaklega góð. Helsta kennimerki árinnar, Veiðihús Jóhannesar á Borg, hefur átt sinn þátt í vinsældunum. Þaðan má oft fylgjast með veiðmönnum kljást við laxa á veiðstöðunum Breiðin og Kverk, sem eru stutt framan við húsið. Margir góðir og fjölbreyttir veiðistaðir eru í Hítará og er aðgengi að þeim gott. Áin er tilvalin til fluguveiða og þá sérstaklega fyrir veiðar með gárutúpum. Fiskurinn er ekki mjög stór að jafnaði en inn á milli leynast þó stórlaxar.
Veiðihúsið fyrir Hítará er hið fornfræga hús Lundur. Til staðar eru uppábúin rúm og er búið um þau daglega og öll þrif innifalin í verði. Það skal áréttað að veiðimenn eru góðfúslega beðnir að ganga vel um veiðihúsið og taka vel til eftir sig, þótt húsið sé þrifið sérstaklega á skiptidögum. Menn mega koma í húsið einni klst. fyrir veiðitíma og ber að rýma það einni klst. eftir að veiðitíma lýkur. Í veiðihúsinu er góð vöðlugeymsla. Í veiðihúsinu mega dveljast tveir fyrir hvert selt leyfi.
Fjórar stangir eru notaðar á tímabilinu 18. júní til hádegis 8. júlí, sex stangir frá 8. júlí til hádegis 6. september en þá er aftur veitt á fjórar stangir
Leyfilegt er að hirða 2 laxa á stöng hverja vakt. Öllum laxi yfir 70 cm skal sleppt
Ekið er sem leið liggur í gegnum Borgarnes, beygt til vinstri út á Snæfellsnesveg (nr. 54). Frá Borgarnesi að veiðihúsi eru um 26 km og stendur það á vinstri hönd við árbakkann.
Veiðisvæðið nær frá ósi og að veiðimörkum við Úrhyl þar sem Grjótá rennur í Hítará
Borgarnes: um 26 km / Reykjavík um 100 km
Reykjavíkurflugvöllur: 105 km
Frá 15. ágúst er seinni vaktin frá 15:00 – 21:00
Undirritaður hefur verið leigusamningur milli Veiðifélags Hítarár á Mýrum og Grettisstilla ehf. um leigu á veiðirétti Hítarár, hliðaráa og Hítarvatns. Frá undirritun samninga í hinu rómaða veiðihúsi Lundi, sem reist
Laxateljari sem settur var niður í Hítará í vor, staðfestir að töluvert magn af laxi gekk nýja farveginn sem myndaðist þegar skriðan mikla féll yfir gamla farveginn þann 7. júlí
Þær voru heldur betur kátar veiðivinkonurnar Sif Jóhannsdóttir og Kristín Ýr Gunnarsdóttir. Hvorug hafði veitt lax, þegar þær fóru í Hítará og hófu veiðar í morgun. Þær byrjuðu á Breiðinni
Sautján laxar voru gengnir í gegnum teljarann í Hítará í gær. Hann er staðsettur neðst við skriðuna miklu, sem féll fyrir þremur árum í Hítardal og gerbreytti árfarvegi árinnar. Skriðan
