7500 kr. – 8500 kr.
Híðarvatn í Selvogi hefur um árabil verið eitt af gjöfulustu sjóbleikjuvötnum landsins. Mesta dýpi þess er um 5 metrar og að flatarmáli er það rúmir 3,3 km². Afrennsli þess er um Vogsós en vatnið sprettur upp úr hrauninu um ótal uppsprettur. Hlíðarvatn er afar spennandi veiðivatn og þar veiðast á sumri hverju bleikjur í þúsundatali. Þar er um að ræða fisk sem þykir afar ljúffengur og skemmtilegur við að eiga. Flestir eru fiskarnir 0,5-1 pund en á sumri hverju veiðast fáeinir 5 punda fiskar og jafnvel stærri. Auk sjóbleikjunnar hefur stöku lax veiðst í vatninu.
Stangaveiðifélagið Árblik er eitt þeirra félaga sem leigir veiðirétt í Hlíðarvatni. Það var stofnað 1988. Félagið leigir út 2 stangir ásamt veiðihúsi og eru stangirnar leigðar út saman.
Þarna er ágætt veiðihús, svefnpláss fyrir 5 og aðbúnaður hinn ágætasti. Sólarsella er á húsinu og sér því fyrir rafmagni. Leigutaki þarf að hafa með sér diskaþurrkur og borðtuskur, þrífa húsið vel fyrir brottför og taka með sér allt rusl. Hann ber ábyrgð á skemmdum á húsinu er orðið geta meðan á dvöl hans stendur. Gott veiðikort er í veiðihúsinu og þar er einnig veiðibók.
Hefja má veiðar kl. 20:00 kvöldið fyrir úthlutaðan veiðidag og þeim skal ljúka sólahring síðar. Að öðru leyti er veiðitími frjáls. Veiðihúsinu skal skilað fyrir kl.19:00 fyrir næstu veiðimenn. Menn eru hvattir til sýna ávallt góða umgengni og virða almennar siðareglur.
Veiða má allt vatnið. Gott kort af veiðisvæðinu er í veiðihúsinu
Þórlákshöfn: 26 km, Selfoss: 52 km, Hafnarfjörður: 40 km, Reykjavík: 57 km og Akureyri: 446 km.
uppl. s: 897-3443
Hlíðarvatn í Selvogi getur verið gjöfult vatn og gefið vel og það kom berlega í ljós fyrir nokkrum dögum. Flottir fiskar og góð veiði við heyrðum í einum veiðimanninum úr
