Veiðin
Hólmavatn á Hólmavatnsheiði, ásamt Laxárvatni, eru nefnd Sólheimavötn eftir nærliggjandi bæ sem þau tilheyra. Hólmavatn er um 1 km² að stærð og í um 190 m hæð yfir sjávarmáli. Góð veiði er í vatninu. Bæði má finna þar urriða og bleikju, þó að bleikjan sé á undanhaldi. Algeng stærð fiska er 1-2 pund. Þeir sem leggja leiða sína í Hólmavatn geta einnig veitt í Selvötnum og Gullhamarsvatni. Selvötnin eru stutt frá, en um 15 mínútna gangur í Gullhamarsvatn.
Gisting & aðstaða
Tjaldstæði
Hægt er að tjalda endurgjaldslaust við vatnið á eigin ábyrgð og í samráði við landeiganda, en þar er þó enga hreinlætisaðstöðu að finna.
Veiðireglur
Veiðimenn verða að skrá sig við komu, á bænum Sólheimum, áður en haldið er til veiða, en sýna þarf Veiðikortið og skilríki. Einnig fá veiðimenn veiðiskýrslu sem þarf að skila útfylltri við lok veiða. Öll umferð á mótorhjólum & fjórhjólum er bönnuð nema í samráði við veiðivörð. Börn yngri en 14 ára veiða frítt í fylgd korthafa.
Kort og leiðarlýsingar
Ekið er um Bröttubrekku í áttina að Búðardal, ef komið er að sunnan. Rétt áður en komið er að Laxá í Dölum er beygt upp Laxárdal á þjóðvegi 59 og ekið áleiðis um 25 km að bænum Sólheimum þar sem veiðimenn skrá sig. Þaðan er um 5 km vegur upp á heiði, sem er ekki greiðfær fólksbílum, en hægt að komast á vel útbúnum og háum fjórhjóladrifsbílum.
Veiða má í öllu vatninu fyrir landi Sólheima; eða frá útfalli austur fyrir vatnið og norður að þeim punkti þar sem Reiðgötuvatn liggur að vatninu.
Þjónusta í nágrenninu
Fjarðlægð til bæja
Búðardalur: 30 km, Reykjavík: um 180 km.
Veiðileyfi og upplýsingar
Hólmavatn er hluti af Veiðikortinu
Daði Einarsson á Lambeyrum s: 863-7702 & Aldís á Sólheimum s: 849-3637
Daglegur veiðitími
Leyfð er veiði frá 7:00 og 22:00 daglega.
Staðsetning
Fréttir af veiði Hólmavatn
Engin nýleg veiði er á Hólmavatn!