Hvolsá og Staðarhólsá falla í einum ósi til sjávar við Saurbæ, Dalasýslu. Hvolsá sjálf er 9 km löng þangað sem Svínadalsá og Brekkudalsá sameinast. Staðarhólsá er laxgeng 7,5 km að fossi hjá Kjarlaksvöllum. Norðan við ósana er varnargarður sem myndar lón sem stendur eftir þegar fjarar, en sjór fellur upp í báðar árnar. Árnar eru þekktari sem sjóbleikjuár og hefur veiðin farið yfir þúsund fiska á sínum bestu árum. Meðalveiði í ánum er 150 laxar og um 5-600 sjóbleikjur. Veitt er tvo daga í senn, frá hádegi til hádegis.
Góð aðstaða er í veiðihúsinu Árseli sem er staðsett við þjóðveginn skammt frá Hvolsá. Í húsinu er m.a. fjögur tveggja manna herbergi og tvö eins manns herbergi, góð borðstofa og setustofa með sjónvarpi og góðum stólum. Sængur og koddar eru í húsinu en menn koma með sængurver/koddaver/lök. Koma má í hús kl. 15:00 (14:00 e. 10/8) á veiðidegi, og yfirgefa skal húsið eigi síðar en 13:30. Hægt er að kaupa þrif á húsinu en bóka þarf það amk. 24 klst fyrir brottför. Ef óskað er eftir þrifum, þá þarf að tæma húsið eigi síðar en kl. 12:30 á brottfaradegi. Húsinu skal skilað hreinu og ber að gæta að gæludýr eru ekki leyfð á svæðinu eða í húsinu.
Veiðisvæðið er öll Hvolsá og Staðarhólsá ásamt lóninu
Búðardalur: 50 km / Reykjavík: 195 km
Reykjavíkurflugvöllur 200 km
veida.is – Hvolsá & Staðarhólsá
Nánari upplýsingar á [email protected] eða síma 897-3443
Frá 10. ágúst er seinni vaktin frá 15-21. Eftir 20. sept er seinni vaktin frá 14-20
Veiðimenn hafa verið að bíða eftir rigningu á stórum hluta landsins eins og Vesturlandi og hún kom um helgina í verulegu mæli. Veiðimenn sem voru á veiðum í Hvolsá og
„Veiðin hefur gengið vel hjá okkur, höfum fengið 18 flottar bleikjur og tvær flundrur, bleikjan er að hellast inn á hverju flóði,“ sagði Árni Jón Erlendsson eftir að hann var við
„Nú um helgina skellti ég mér í veiðiferð á Vestfirði ásamt Gissurkarli og Brynjari. Því miður blasti þar við okkur hörmungarástand,“ segir Elías Pétur Viðfjörð Þórarinsson í samtali. Eldislax og
„Ég hef aldrei séð annað eins og þessa vatnavexti hér í Dölunum í dag,“ sagði Sæmundur Kristjánsson hjá Vegagerðinni í Búðardal, en hamfarir voru á stórum hluta Vesturlands síðustu klukkatímana. Ár
,,Við vorum að koma úr Hvolsá og Staðarhólsá og það var mikið af laxi að ganga í árnar, já og mikið líf í Lóninu“ sagði Þröstur Reynisson sem heimsækir árnar
