Jökla & Fögruhlíðará

Austurland
Eigandi myndar: Snævarr Ö. Georgsson
Calendar

Veiðitímabil

01 júlí – 30 september

Bait

Leyfilegt agn

Fluga, Maðkur, Spúnn
Fishing rod

Fjöldi stanga

8 stangir
Stop

Kvóti

1 fiskur á stöng/dag

Gistimöguleikar

Veiðihús
Information

Leiðsögn

Í boði
Accessibility

Aðgengi

Þægilegt aðgengi, Þarfnast leyfi, Jepplingar
Dollar

Verðbil

heill dagur

33000 kr. – 90000 kr.

Tegundir

Lax

Veiðin

Sumarið 2020 var metveiði í Jöklu, en hún gaf þá 870 laxa. Margir stórir laxar komu þar á land og m.a. var 107 cm lax sem Jules Goldberg landaði þar 17. júlí einn af stærstu löxum sumarsins. Svæðið telur alla Fögruhlíðará ofan Réttarhyls ásamt Jöklu frá Húsármótum og niður til ósa, en einnig Kaldá, Laxá og Fossá sem renna í Jöklu úr norðri . Þetta er gríðarlega mikið og fjölbreytt svæði þar sem veitt er í miklu vatni í Jöklu og allt niður í litlar og nettar ár eins og Laxá sem er hentug fyrir einhendur. Samtals er svæðið um 40 km langt og því verður afar rúmt um veiðimenn og miklir möguleikar á því að kanna ótroðnar slóðir. Jökla I og Fögruhlíðará er aðallega nýtt sem laxveiðisvæði þó að silungur veiðist út allt sumarið. Aðallega er það sjóbleikja og eru þær stærstu um 65 cm.

Mörgum þykir langt að aka alla leið austur í Jöklu frá Reykjavík, en einfalt er að fjúga til Egilsstaða og leigja bíl á Egilsstaðaflugvelli og stytta þar með ferðatímann gríðarlega.

Gistimöguleikar

Veiðihús

Með þjónustu

Á bökkum Kaldár stendur stórglæsilegt veiðihús til afnota fyrir veiðimenn á Jöklusvæðinu. Það var byggt árið 2007 og býður upp á frábæra aðstöðu og er samtengt á verönd við fjögur smærri hús með átta tveggja manna herbergjum, hvert með sér baðherbergi og sturtu. Meginhúsið hefur upphitaða vöðlugeymslu, aðgerðarherbergi með frystikistu, frábæra setu- og borðstofu með arni, eldhús með öllum nauðsynlegum tækjum og skemmtilega verönd.

Í veiðihúsinu er kappkostað að bjóða fyrsta flokks fæði og þjónustu. Ekki er skyldugisting seint á veiðitímanum og holl geta einnig yfir sumarið tekið eingöngu gistingu ef þess er óskað og verð er þá eftir nánari samkomulagi.

Veiðireglur

Skyllt er að sleppa öllum löxum 70 cm og stærri. Leyfilegt er að hirða einn lax á stöng á dag undir þeim mörkum. Eingöngu er leyfð fluga í júlí og til síðla ágústs en maðkur og spónn er einnig leyfður eftir það og í september.

Umsjónarmaður/veiðivörður:  Guðmundur Ólason s: 471-1019 og 660-6893

Kort og leiðarlýsingar

Ekið er um þjóðveg 1 sem leið liggur til Akureyrarog þaðan austur gegnum Mývatnssveit og yfir Möðrudalsöræfi. Áður en farið er yfir brúna yfir Jöklu er beygt til hægri inn á þjóðveg 917. Rétt áður en farið er yfir brúna á Kaldá er beygt til vinstri við afleggjara merktur Mássel og blasir þá glæsilegt veiðihúsið við.

Veiðisvæðið: Jökla frá með ósi að og með Húsármótum ásamt Laxá, Kaldá, Fossá og einnig Fögruhlíðará fyrir ofan Réttarhyls

Þjónusta í nágrenninu

Fjarðlægð til bæja

Egilsstaðir: 45 km, Akureyri: 245 km um Vaðlaheiðargöng, Reykjavík: 632 km um göngin

Nærliggjandi flugvellir

Egilsstaðaflugvöllur: 44 km

Veiðileyfi og upplýsingar

Veiðþjónustan Strengir s: 660-6890, [email protected], www.strengir.com

Daglegur veiðitími

Morgunvakt

07:00 – 13:00

Kvöldvakt

15:00 – 21:00

Staðsetning

Austurland

Vinsælar flugur

Myndasafn


Fréttir af veiði Jökla & Fögruhlíðará

Mögnuð stórlaxasería í Jöklu

Tveir breskir veiðimenn, þeir Neil og Simon sem deildu svæði, lönduðu flottri stórlaxaseríu í Jöklu í gær. Þeir fengu samtals sjö laxa á stöngina yfir daginn. Hvor um sig landaði

Lesa meira »

Enn einn risinn hjá Nils

Heldur áfram að setja í stórlaxa ,,Þetta var flott“ sagði laxahvíslarinn Nils Folmer Jorgensen sem veiddi stærsta laxinn á sumrinu á miðsvæði Jöklu á Sandárbrotinu í morgun. Fiskurinn mældist 102

Lesa meira »

Stærsti lax tímabilsins til þessa

Stærsti lax sumarsins til þessa veiddist í Jöklu í morgun. Laxinn veiddist í á miðsvæði Jöklu í veiðistaðnum Sandárbroti. Það var Nils Folmer Jorgensen, stórlaxahvíslarinn, sem setti í og landaði

Lesa meira »

Jökla að koma til!

Jæja, loksins er að rofa til á Jöklusvæðinu og fyrstu laxarnir komu á land í morgun. Snævarr leiðsögumaður þar fékk 80 cm hrygnu í fyrstu köstunum á Hólaflúð á Sunray

Lesa meira »
Shopping Basket