62000 kr. – 207000 kr.
Langá á Mýrum er ein af bestu laxveiðiám landsins og á sér fjölmarga aðdáendur. Langá er fjölbreytt veiðiá með 93 skráða veiðistaði og á upptök sín í Langavatni 36 km frá sjó. Áin er miðlungsstór, allt aðgengi til fyrirmyndar og ætti veiði í Langá að henta flestum. Mikið af smálaxi gengur yfirleitt í ána, en stofninn þar er þekktur fyrir að vera sterkur frekar en mjög stór. Best er að veiða Langá með einhendu, flotlínu og litlum flugum því fiskur liggur oftar en ekki á frekar grunnu vatni. Takan er oft ævintýraleg en fiskurinn í Langá er dyntóttur og reynist stundum erfiður viðureignar.
Það væsir ekki um veiðimenn í Langárbyrgi sem stendur á bökkum hinna rómuðu Hvítsstaðahylja. Húsið er nýlegt með tólf tveggja manna herbergjum hverju með sínu baðherbergi. Í gufubaðinu er kjörið að fara yfir helstu afrek dagsins á bakkanum og aðstaða fyrir vöðlur, skó og tilheyrandi er jafnframt mjög góð. Full þjónusta er í húsinu allan veiðitímann.
Veiðisvæðið nær frá Ármótafljóti og niður fyrir Sjávarfoss, en samtals eru 93 veiðistaðnir í ánni
Borgarnes: 12 km / Reykjavík: 89 km
Reykjavíkurflugvöllur: 94
Stangaveiðifélag Reykjavíkur s: 568 6050, [email protected],
Verðið sem gefið er upp er fyrir félagsmenn, utanfélagsmenn greiða 20% hærra verð
Eftir 15. ágúst er veitt frá 15:00 – 21:00 á seinnivaktinni. Á skiptidögum er veitt til kl. 12:00
„Skemmtifélagið Dollý fór í sína aðra veiðiferð í Langá í síðustu viku. Veiðin var ágæt enda allar aðstæður með ágætum, veðrið temmilega veiðilegt og gleðin í fyrirrúmi,“ sagði Þórdís Lóa Þórhallsdóttir
Forsprakkar gamanmyndanna Síðasta veiðiferðin og Allra síðasta veiðiferðin dvöldu við Langá síðustu þrjá daga og veiddu og sóttu innblástur fyrir næstu myndir. „Við vorum þarna með þrjár stangir og svo
Yfir tvö hundruð laxar gengu í gegnum teljarann við Skuggafoss í Langá síðasta sólarhringinn. Þórður Arnarson, veiðivörður og staðarhaldari við Langá staðfesti þetta í samtali við Sporðaköst. Ljósmynd/Einar Falur mbl.is
„Já fyrsti laxinn er kominn á land í Langá á Mýrum þetta árið og það var Sigurjón Gunnlaugsson sem veiddi laxinn. Það hefur hann reyndar gert oft áður að veiða þann fyrsta,“ sagði
