Laxá – Staðartorfa

Laxá í Aðaldal er ekki bara mjög góð laxveiðiá, heldur geymir hún einn sterkasta urriðastofn landsins. Á hverju ári veiðast nokkur þúsund urriðar í Laxá neðan virkjunnar og veiðin á bestu svæðunum er á milli 400-800 urriðar á sumri. Meðalstærðin er á milli 2 og 3 pund og töluvert veiðist af urriðum á bilinu 4-6 pund. Frábær þurrfluguveiði er á þessum svæðum í réttu veðri, en púpuveiði með tökuvara er samt algengust. Einnig er töluvert af veiðimönnum sem kjósa helst að veiða með straumflugum á þessum svæðum. Upplagt er fyrir stóra og litla hópa að bóka nokkra daga í Aðaldalnum og prófa þessi frábæru svæði,  þar sem hægt er að fara frá einu svæði yfir á það næsta, yfir nokkra daga tímabil. 

Staðartorfa er svæði sem er á vesturbakka Laxá í Aðaldal, neðan við Laxárvirkjun. Mjög skemmtilegt veiðisvæði með mikilli náttúrufegurð og hreint frábært þurrflugusvæði þegar veður leyfir.