Veiðitímabil
Leyfilegt agn
Kvóti
Leiðsögn
Aðgengi
Verðbil
2000 kr. – 2000 kr.
Veiðin
Laxárvatn er ein af uppsprettum Laxár í Dölum, er um 0,5 km² að stærð og í um 150m hæð yfir sjávarmáli. Það liggur rétt norðan Laxárdalsvegar, númer 59, nálægt bænum Sólheimum. Góð veiði er í vatninu en þar er einungis urriði. Algeng stærð fiska er 1-3 pund.
Gisting & aðstaða
Tjaldstæði
Hægt er að tjalda endurgjaldslaust við vatnið á eigin ábyrgð og í samráði við landeiganda, en þar er þó enga hreinlætisaðstöðu að finna.
Veiðireglur
Veiðimenn verða að skrá sig við komu, á bænum Sólheimum, áður en haldið er til veiða en sýna þarf Veiðikortið og skilríki. Einnig fá veiðimenn veiðiskýrslu sem þarf að skila útfylltri við lok veiða. Öll umferð á mótorhjólum & fjórhjólum er bönnuð nema í samráði við veiðivörð. Börn yngri en 14 ára veiða frítt í fylgd korthafa. Hundar eru bannaðir á svæðinu.
Kort og leiðarlýsingar
Ekið er um Bröttubrekku í áttina að Búðardal, ef komið er að sunnan, annars farið hefðbundnar leiðir frá Norðurlandi eða Vestfjörðum. Rétt áður en komið er að Laxá í Dölum er beygt upp Laxárdalinn og ekið að bænum Sólheimum til að skrá sig. Til að komast að vatninu er best að fara inn á gamlan veg, sem liggur frá þjóðveginum og niður með Lægðarlæk, en þar er hægt að leggja bílum og ganga niður að vatni.
Veiða má í öllu vatninu.
Veiðileyfi og upplýsingar
Laxárvatn er hluti af Veiðikortinu
Daði Einarsson, Lambeyrum s: 863-7702 & Aldís á Sólheimum s: 849-3637
Daglegur veiðitími
Frjálsar 12 klst frá morgni til kvölds.
Staðsetning
Fréttir af veiði Laxárvatn í Dölum
Engin nýleg veiði er á Laxárvatn í Dölum!