Veiðitímabil
Leyfilegt agn
Fjöldi stanga
Kvóti
Gistimöguleikar
Leiðsögn
Aðgengi
Verðbil
42000 kr. – 75000 kr.
Veiðin
Norðurá í Borgarfirði er í hugum margra veiðimanna besta laxveiðiá landsins með um 2000 laxa árlega meðalveiði á síðustu 10 árum. Áin á upptök sín í Holtavörðuvatni um 62 kílómetra frá sjó og telst vatnasvið árinnar vera um 518 km2. Í ánni eru um 170 merktir veiðistaðir og er fjölbreytileiki þeirra mikill, allt frá nettum strengjum upp í stórar og vatnsmiklar breiður. Í Norðurá eru þrír fossar helstir, Laxfoss, Glanni og Króksfoss, hver öðrum fallegri.
Efsti hluti Norðurár, Fjallið, hefur allt til að bera fyrir veiðimenn sem þyrstir í ævintýri í fallegri en um leið ögrandi náttúru. Bæði er hægt að rölta um grónar grundir niðri á flatlendinu og reyna á sig fram til heiða í því dæmigerða landslagi er þar gefur, klungur og klettum. Áin er heillandi þar sem hún streymir fram ýmist lygn eða stríð, og skiptast á strengir og breiður, fossar og flúðir. Veiðivonin er rík, ekki síst er líða fer á sumarið og er haustar skemma ekki hinir fjölbreyttu haustlitir náttúrunnar fyrir.
Gisting & aðstaða
Veiðihús
Skógarnef er lítið og snoturt veiðihús í landi Hvamms, staðsett á svonefndu Skógarnefi og ber nafn eftir því. Í húsinu eru þrjú herbergi og svefnloft. Gert er ráð fyrir því að veiðimenn sjái um sig sjálfir og komi með eigin mat. Við komu er húsið hreint, uppbúin rúm og hrein handklæði. Veiðimenn þurfa ekki að þrífa húsið við brottför, starfsmaður sér um það. Fyrir þessa þjónustu greiða veiðimenn samtals krónur 10 þúsund. Í húsinu er eldhúskrókur, lítil borðstofa og setustofa ásamt borðbúnaði og eldunaráhöldum. Baðherbergið er með sturtu. Aðstaða er til að gera að fiski, utan dyra, frystikista í útigeymslu, gasgrill, bekkir og borð á ágætis palli fyrir utan. Húsið stendur í fallegri kjarrvaxinni hlíð, skammt frá þjóðvegi nr. 1 og eru lyklar í lásboxi rétt við innganginn.
Veiðireglur
Sleppa skal öllum laxi 70 cm og stærri. Kvóti er háður ákvörðun Veiðifélags Norðurár hverju sinni
Kort og leiðarlýsingar
Veiðisvæðið er nokkuð breytilegt á veiðitimanum. 5. júní til 6. júlí (hádegi) nær það frá Engjanefi til og með Kálfhylsbroti. Frá 6. júlí (seinni vakt) og til 1. sept. (hádegi) er veiðisvæðið frá og með Símastreng og upp að brú við Fornahvamm.
Þjónusta í nágrenninu
Fjarðlægð til bæja
Borgarnes: 26 km, Reykjavík: 100 km, Reykjanesbær: 142 km og Akureyri: 288 km
Nærliggjandi flugvellir
Keflavíkurflugvöllur: 143 km og Reykjavíkurflugvöllur: 102 km
Veiðileyfi og upplýsingar
Rafn Valur Alfreðsson s: 824-6460 eða í gegnum netfangið [email protected]
Daglegur veiðitími
Morgunvakt
Kvöldvakt
Eftir 14. ágúst er veitt frá 8-13 og 15-21
Staðsetning
Vinsælar flugur
Fréttir af veiði Norðurá II – Fjallið
Engin nýleg veiði er á Norðurá II – Fjallið!