Veiðin
Sléttuhlíðarvatn er 0,76 km² að stærð og í 14 m hæð yfir sjávarmáli. Í vatninu er bleikja og mikið af urriða, oftast frekar smár en góður matfiskur. Sjóbleikja gengur í vatnið um læk sem fellur úr því og sameinast Hrolleifsdalsá, sem er góð sjóbleikjuá. Ágætlega veiðist allt tímabilið en þó sérstaklega í maí og júní. Best er að veiða austanmegin í vatninu, framundan bænum, þar sem lækir falla í vatnið.
Gisting & aðstaða
Tjaldstæði
Verið er að vinna að uppbyggingu á tjaldsvæði sem ætti að vera komið í gagnið fyrir sumarið 2021. Þá býðst korthöfum að kaupa aðgang að tjaldsvæðinu við vatnið hjá veiðiverði á Hrauni.
Aðrir gistimöguleikar
Hægt er að leigja sumarhús nálægt vatninu og borgar sig að panta þar með góðum fyrirvara hjá veiðiverði
Veiðireglur
Landeigandi ber enga ábyrgð á tjóni er korthafar Veiðikortsins kunna að verða fyrir, eða öðru sem upp kann að koma í tenglsum við veru veiðimanna á viðkomandi veiðisvæði. Góð umgengni er skilyrði. Allur akstur um landið skal vera í samráði við landeiganda. Veiðimenn eru beðnir um að skilja ekki eftir sig rusl. Korthafar þurfa að skrá sig á Hrauni og sýna þarf bæði veiðileyfi og persónuskilríki. Börn yngri en 14 ára veiða frítt í fylgd með korthafa.
Kort og leiðarlýsingar
Eingöngu er leyfilegt að veiða í landi Hrauns. Skilti eru við veiðimörk
Þjónusta í nágrenninu
Fjarðlægð til bæja
Hofsós: 20 km, Akureyri: 150 km, Reykjavík: 345 km og Reykjanesbær: 386 km.
Áhugaverðir staðir
Glaumbær – Byggðasafn Skagfirðinga, s: 453-6173, glaumbaer.is
Hólar í Hjaltadal
Sundlaugin á Hofsósi, s: 455-6070, facebook.com
Veiðileyfi og upplýsingar
Vatnið er hluti af Veiðikortinu
Magnús Pétursson á Hrauni s: 453-7422 eða 618-0402, selur dagsleyfi
Daglegur veiðitími
Leyfilegt er að veiða frá kl. 8:00 til kl. 24:00 eða í samráði við veiðivörð
Staðsetning
Fréttir af veiði Sléttuhlíðarvatn
Engin nýleg veiði er á Sléttuhlíðarvatn!