Svarfaðardalsá á upptök sín á Heljardalsheiði, fornri samgönguleið á milli Skagafjarðar og Eyjafjarðar. Hún er dæmigerð dragá, köld með breytilegu vatnsmagni og oft jökullituð á sumrin. Fjölmargar þverár falla í hana og er sú helsta Skíðadalsá, sem einnig er veiðiá. Árnar eru að grunninum til sjóbleikjuár en töluvert er af urriða á neðri svæðunum. Veiðisvæðið er um 35 km langt, skipt í 5 svæði og tvær stangir á hverju. Vinsælasti tíminn er fyrstu tvær vikurnar í ágúst en þá eru bleikjugöngur jafnan í hámarki. Mjög skemmtileg sjóbleikjuveiði er oft í Svarfaðardalsá og svo leynir hún á sér í urriðaveiði. Nú er í boði að kaupa vordaga á neðstu svæðum árinnar. Seldir eru hálfir dagar í ána. Meðalveiði síðustu 10 árin er um 630 bleikjur, en sennilega er skráning ábótavant.
Á ferðinni á bökkum Svarfaðardalsár
Þeim sem þykir fátt skemmtilegra en að veiða sjóbleikju sækja oft Eyjafjörðinn heim en um hann renna allmargar góðar sjóbleikjuár. Dugar þar að nefna Eyjafjarðará, Fjarðará (Ólafsfjarðará), Hörgá og Svarfaðardalsá.