Svartá er meðalstór bergvatnsá með 480 km² vatnasvið. Sameiginlegt veiðifélag er með Blöndu og Svartá. Svartá er skemmtilega fjölbreytt að því leyti að auk hinna hefðbundnu strengja og breiða teigir hún sig út í sjálfa Blöndu þar sem oft getur verið fjör á göngutíma. Menn geta því farið úr því að kasta með léttum einhendum í tært vatnið í uppánni yfir í tvíhendur við ármótin. Laxinn í Svartá er þekktur fyrir að vera eintaklega sterkur og oft veiðast mjög stórir fiskar í ánni. Laxinn sem er af Svartárstofninum þarf að ganga upp hálfa Blöndu til að komast heim í Svartá. Seldar eru minnst tvær og tvær stangir saman, einn dag eða fleiri í senn. Meðalveiði síðustu 10 ára eru 260 laxar.
Veiðihúsið er 5 herbergja, þar af er eitt herbergi í aukahúsi. Öll herbergin eru tveggja manna og fer vel um 10 manns í húsinu. Góð setustofa og borðstofa eru til staðar ásamt heitum potti á verönd. Aðstaða til aðgerðar á fisk og vöðlugeymsla er til staðar í sérhúsi. Hvert holl greiðir kr. 45.000 í húsgjald og eru rúm uppábúin og húsið þrifið að dvöl lokinni.
Veiðisvæðið byrjar við veiðistaðinn Gullkistu og nær uppað veiðistaðnum Teigakoti. Aflahæsti staðurinn er Ármót
Blönduós: 36 km / Akureyri: 127 km / Reykjavík: 265 km
Akureyrarflugvöllur: 129 km / Reykjavíkurflugvöllur: 265 km
Fish Partner s: 571-4545, [email protected] – ganga í Fish Partner Members Club
Frá 15. ágúst er seinni vaktin frá 15-21
„Þetta gengur allt í lagi og það eru að veiðast laxar á hverjum degi í Fuss hollinu, bara gaman hérna,“ sagði Páll Halldórsson við Svartá í Húnavatnssýslu þegar við heyrðum
Síðasta holl í Svartá landaði níu löxum og þar af var einn svakalegur hængur sem mældist 95 sentímetrar. Það er skemmtileg saga á bak við þennan næst stærsta fisk í
,,Þetta var fínt veiðitúr í Svartá og við enduðum í 14 löxum og svo fengum við nokkra væna urriða“ sagði Rafn E Magnússon sem var að koma úr Svartá í
Svartá, sem fellur í Blöndu hresstist verulega í fyrra eftir hörmulegt ár 2019. Þá veiddust einungis 57 laxar. Í fyrra lagaðist staðan verulega þegar maðkur var bannaður í Blöndu og
