20000 kr. – 80000 kr.
Þverá er um það bil 26 km. löng frá ármótum við Eystri Rangá að upptökum sínum við Hámúlagarð í Fljótshlíð. Hún er fremur lítil og nett til að byrja með en vex eftir því sem hliðarár falla í hana og er orðin um 4 m3/sek við ármót Eystri Rangár. Veiðinni hefur verið haldið uppi með sleppingum um 20 þúsund laxagönguseiða á ári sem hefur verið sleppt í 4 sleppitjarnir við ána. Þverá hefur í gegn um tíðina gefið glettilega góða veiði á stangirnar fjórar en veiðin árið 2020 var 675 laxar.
Ekkert veiðihús fylgir með Þverá, frá og með sumrinu 2021, en Hellishólar rétt við árbakkann bjóða mönnum upp á tilboð á gistingu og þriggja rétta veiðmannakvöldverð. Best er að panta gistingu með því að senda póst á [email protected]
Fyrir utan Hellishóla eru margir gistimöguleikar í nágrenninu
Um hverja stöng mega vera 2 veiðimenn og skulu þeir þá vera saman á veiðistað. Ef veiðimenn eru staðnir að því að nota fleiri stangir en leyfilegt er, mega þeir búast við því að vera vísað úr ánni. Allan afla skal færa til bókar áður en haldið er heim. Ekki má aka utan vegar og munið að loka hliðum.
Veiðisvæðið er um 20 km langt og nær frá Gluggafossi og allt niður að ármótum. Alls eru 65 merktir veiðistaðir í ánni
[email protected] s: 793-7979
Frá 20. ágúst til 19. sept. er seinni vaktin 15:00-21:00 & frá 20. sept. til loka tímabils er hún frá 14:00-20:00
„Við vorum að koma úr Þverá í Fljótshlíð og það var bara geggjað, flott veiðiá,“ sagði Jógvan Hansen í samtali nýkominn af veiðislóðum og bætti við; „það fengu allir fiska
