24000 kr. – 86000 kr.
Tungufljót er i Vestur-Skaftafellssýslu. Upptök þess eru á Skaftártunguafrétti og dragast til þess margir lækir á leið til ósa í Kúðafljóti. Umhverfið er stórbrotið; hraun, sandar og er fljótið allvíða í þröngum farvegi með grónum bökkum. Mjög margir góðir veiðistaðir eru í Tungufljóti. Aðal fisktegundin er vænn sjóbirtingur og veiðast reglulega fiskar yfir 20 pund. Einnig veiðist þar lax, bleikja og staðbundinn urriði. Á neðra veiðisvæðinu frá Bjarnafossi og niðurúr er bæði mjög væn staðbundin bleikja, urriði og svo má finna sjóbirtingsgeldfisk í ármótum allt sumarið. Einnig er laxinn farinn að sýna sig í júlí. Ofan við Bjarnafoss tekur við gríðarlega fallegt svæði sem leynir á sér. Þar er að finna staðbundna urriða sem gaman er að eiga við í stórbrotnu umhverfi.
Veiðihúsin standa í hlíð í landi Hemru með stórkostlegu útsýni yfir meirihluta veiðisvæðisins. Í stærra húsinu eru tvo tveggja manna herbergi, svefnloft, rúmgóð stofa, eldhús og salerni með sturtu. Í minna húsinu eru tvo tveggja manna herbergi, salerni og sturta. Gasgrill er til staðar. Veiðimenn mega koma og vera farnir klukkutíma fyrir veiði nema eftir 20. september þá mega menn koma þegar veiði byrjar. Menn eru beðnir um að ganga vel um veiðihúsið og þrífa það vel fyrir brottför. Við hvetjum veiðimenn um að láta vita ef eitthvað vantar eða er ábótavant við veiðihúsið.
Skráið afla í veiðibókina áður en haldið er heim.
Akið ekki utan vega og lokið hliðum.
Veiðifélagið ber ekki ábyrgð v/tjóns sem búsmali veldur á ökutækjum.
Meðferð skotvopna er bönnuð við ána og einnig er óheimilt að tjalda við ána án leyfis landeigenda.
Vinsamlegast gangið vel um og skiljið ekki eftir rusl við ána
Veiðisvæði Tungufljóts nær frá ármótum, upp að Bjarnarfossi og svo fyrir ofan hann allt að Titjufossi. Einhvern urriða er einnig að finna ofan Titjufoss
Kirkjubæjarklaustur: 30 km, Reykjavík: 232 km, Akureyri: um 620 km
frá 15:00 og 6 klst eftir það á byrjunardegi. Frjálsar 12 klukkustundir á heilum dögum. Á lokadegi skal hætta veiði og tæma hús fyrir 13:00
„Við erum að klára í Tungufljóti í hádeginu í dag og þetta hefur gengið vel,“ sagði Gísli Kristinsson í samtali í gærkveldi í Tungufljóti, þar hafa þeir félagar veitt oft áður. En veiðin
Stærsti sjóbirtingur sem veiðst hefur á flugu á Íslandi veiddist í Tungufljóti á laugardag. Sporðaköst hafa í það minnsta ekki upplýsingar um svo stóran fisk með staðfestri mælingu. Stórfiskaævintýrið í
Tungufljótið er svo sannarlega að standa undir væntingum veiðimanna þegar kemur að stórfiski. Tveir stærstu sjóbirtingar sem veiðst hafa í haust veiddust báðir þar. Sá þriðji bættist í hópinn í
Stóru sjóbirtingarnir hafa svo sannarlega mætt í árnar fyrir austan nú í haust. Við veltum upp þeirri spurningu í síðasta mánuði hvort þetta yrði haust stóru sjóbirtinganna. Pierre Affre með
Fyrstu nýgengnu sjóbirtingarnir í Tungufljóti veiddust um helgina á efsta veiðistað, sem er Bjarnafoss. Þá sáust spegilbjartir birtingar í vatnaskilunum við Syðri – Hólma. Það voru breskir veiðimenn sem lönduðu
Sjóbirtingsveiðin gengur ágætlega þessa dagana þó auðvitað hafi aðeins dregið úr veiðinni, veiðimenn eru að fá einn og einn. Við heyrum aðeins í veiðimanni á veiðislóð fyrir austan, „já við
„Já þetta var frábær túr að baki í Tungufljót fyrir nokkrum dögum og við fengum flotta fiska,“ sagði Daníel Gíslason um veiðitúrinn í fljótið. En sjóbirtingsveiðin hefur gengið víða vel og veiðmenn komist í góða veiði.
,,Þetta var fínn túr og fengum 27 fiska, Árni Kristinn Skúlason veiddi þann stærsta 82 sentimetra“ sagði Hafsteinn Már Sigurðsson er við spurðum um veiðitúrinn í Tungufljót fyrir fáum dögum.
