Vatnsdalsáin er vatnsmesta veiðiá á sunnanverðum Vestfjörðum og þornar aldrei, jafnvel á þurrustu sumrum. Menn hafa lengi einblínt á neðri hluta árinnar sem eina veiðisvæðið þrátt fyrir að það sé einungis um 700 metra langt með öllum bugðum og sveigjum. Vatnsdalsá er síðsumarsá og því er lax að byrja að ganga í byrjun júlí en þá veiðist stærsti fiskurinn. Bleikja veiðist bæði í efri og neðri hluta árinnar allt sumarið. Lax gengur öllu jöfnu ekki upp í efri ánna fyrr en í ágúst en þó fer það eftir tíðarfari. Bleikjuveiði er að jafnaði 5-7 bleikjur á stöng á dag. Veiðileyfi eru seld í 2ja til 3ja daga hollum og eru báðar stangirnar ávallt seldar saman.
Aðgangur að veiðihúsi er innifalið í veiðileyfi fyrir Vatnsdalsá; um 20 m² bjálkakofi sem er ætlaður fjórum. Veiðikofinn Stöng er staðsettur á svokölluðu Pennunesi við Hótel Flókalund. Stöng er útbúin með 12v raflýsingu og gasupphitun og gaseldavél. Rennandi kalt vatn og vatnsklósett er í veiðikofanum. Veiðimenn koma með rúmföt sjálfir. Lyklar af veiðihúsinu ásamt veiðibók er hægt að nálgast hjá Jóhanni á Brjánslæk, sem er um 6 km vestur af veiðihúsinu. Menn geta mætt í veiðihúsið kl 14 ,í upphafi holls, en verða skila húsinu kl 13 daginn sem hollið endar.
Orlofshúsin við Flókalund
Vatnsdalsá og Vatnsdalsvatn eru í friðlandinu í Vatnsfirði. Veiðimenn verða að fara að öllum fyrirmælum landvarðar og reglum um friðlýst svæði. Þeir eru beðnir aka ekki um ótroðnar slóðir nema með leyfi landeigenda. Einnig eru menn beðnir um að sýna landeigendum og öðrum veiðimönnum tillitssemi, ganga vel um landið og skilja ekki eftir rusl við ána.
Veiðisvæðið nær allt frá gljúfrum í efri ánni niður að vatni og frá útfalli á vatninu í neðri ánna og alla leið til árósanna
Bíldudalur: 47 km, Patreksfjörður: 66 km, Ísafjörður: 93 km, Borgarnes: 254 km, Akureyri: 448 km og Reykjavík: 330
Látrabjarg: 95 km
Flateyjarferjan Brjánslæk: 8 km
Fluga&Net s: 820-2200, [email protected]
Vatndalsá er í umboðssölu til félagsmanna SVFR, s: 568-6050, svfr@svfr
Á síðasta degi holls er veitt til kl 12
„Þessi ungi veiðimaður Kristófer Aaron fékk maríulaxinn í veiðistað 3, fiskurinn tók Orange kröflu 1/4″, mikil gleði sem jókst til mikilla muna þegar hann landaði seinni fiskinum á stað 5,“
