Góð veiði í Vatnsdalsvatni í Vatnsfirði
júlí 1, 2021
Engar athugasemdir
Það voraði seint á vestanverðu landinu í ár og hitinn var aðeins rétt yfir frostmarki á nóttunni í byrjun júní. Gamlir vinir, feðgar og félagar létu það ekki á sig
Vestfirðir
Veiðitímabil
Leyfilegt agn
Fluga, Maðkur, Spúnn
Kvóti
Ótakmarkað
Leiðsögn
ekki í boði
Aðgengi
Fjölskylduvænt, Þægilegt aðgengi, Þarfnast leyfi
Verðbil
heill dagur
2000 kr. – 2000 kr.
Veiðin
Vatnsdalsvatn er 2,2 km² að flatarmáli. Mjög aðdjúpt er vestan megin en grynnra að austan. Vatnið er um 8 m yfir sjávarmáli og mesta dýpi þess er um 30 m. Mest er af bleikju í vatninu, sjóbleikju og einstaka lax veiðist ár hvert. Mest fæst af 1-3 punda fiski. Á hverju sumri veiðist einnig töluvert af vænni bleikju, allt að 6 – 7 pundum. Bestu veiðistaðirnir eru við árósa og útfall vatnsins. Jafnframt eru veiðistaðir á Viteyri, sem er fyrir miðju vatninu vestan megin, og Kofanesi sem er fremst í vatninu. Um 30 mínútna gangur er að Lambagilseyrum austanvert við vatnið. Við strandlengjuna á þessari gönguleið eru fjölmargir veiðistaðir. Ekki er leyfilegt að veiða í ám, sem tengjast vatninu. Mörk vatnsins og ánna eru sérstaklega merkt.
Gisting & aðstaða
Tjaldstæði
Ekki er heimilt að tjalda við vatnið, enda er um friðland að ræða. Hins vegar eru tjaldstæði við Hótel Flókalund: 2 km og Brjánslæk: 8 km.
Aðrir gistimöguleikar
Orlofsbyggðin við Flókalund, s: 456-2044, er góður kostur fyrir marga.
Veiðireglur
Vatnsfjörður er friðland og eru veiðimenn beðnir um að skilja ekki eftir sig neinar leifar eða ummerki. Stranglega er bannað að aka utan vega. Börn yngri en 14 ára veiða frítt í fylgd með korthafa. Sleppa verður öllum laxi og allri bleikju og sjóbirtingi undir 35 cm.
Frábærar gönguleiðir eru í nágrenni Vatnsdalsvatns. Nefna má gönguleiðir á Lónfell, þaðan sem Hrafna-Flóki gaf landinu nafnið Ísland, og til Flókatófta sem eru spölkorn frá ferjubryggjunni á Brjánslæk. Jafnframt tengist Vatnsfjörðurinn Gísla sögu Súrssonar og er svokallaður Gíslahellir austanvert í firðinum.
Kort og leiðarlýsingar
Veiði er heimil í öllu vatninu.
Þjónusta í nágrenninu
Fjarðlægð til bæja
Bíldudalur: um 50 km, Ísafjörður: 93 km, Reykjavík: 330 km og Akureyri: 448 km
Áhugaverðir staðir
Gíslahellir: 8 km, Dynjandi: 40 km og Látrabjarg: 98 km.
Veiðileyfi og upplýsingar
Vatnið er hluti af Veiðikortinu
Upplýsingar og dagsleyfi: Brjánslækur s: 433-2254 og á fluga.net
Landvörður: Hótel Flókalundur s: 456-2011 & Veiðivörður: Brjánslækur: 456-2055
Daglegur veiðitími
Varðandi daglegan veiðitíma
Leyfilegt er að veiða frá kl. 7 og til kl. 23.
Staðsetning
Vestfirðir
Fréttir af veiði Vatnsdalsvatn