Víkurá

Víkurá rennur um Víkurdal og fellur til sjávar við bæinn Guðlaugsvík. Áin er 14 km að lengd og vatnasvið 57 ferkm. Víkurá er viðkvæm og því hefur veiðiálagi verið haldið í skefjum; aðeins veiddir 2 dagar í senn og svo hvílt í 2 daga. Leyfðar eru tvær stangir og er veiðitímabílið frá byrjun júlí og til 17. september. Veitt er hvortveggja á flugu og maðk. Auk laxins er líka einhver bleikjuveiði í ánni. Veiðikofi er við ána og er í honum svefnpláss fyrir sex manns. Hann er hitaður upp með gasi.  Áin er leigð nokkrum einstaklingum sem nýta veiðina sjálfir og selja ekki veiðileyfi til annara.