65100 kr. – 103900 kr.
Gljúfurá er frábær þriggja stanga laxveiðiá í fögru umhverfi Borgarfjarðar. Veiðistaðir eru fjölmargir og fjölbreyttir og hentar áin afar vel fyrir bæði flugu- og maðkveiði. Þó svo að áin henti víða vel til fluguveiða hefur stærsti hluti laxveiðinnar oftast nær fengist á maðk. Gljúfurá er liðlega 20 kílómetra löng á með afar sérstökum upptökum, en hún klýfur sig út úr farvegi Langár um tvo kílómetra fyrir neðan Langavatn. Áin er fiskgeng um 11 kílómetra upp að Klaufhamarsfossi og þar eru um 60 merktir veiðistaðir hver öðrum skemmtilegri.
Gljúfurá hentar afar vel samstilltum hópum og fjölskyldum enda fylgir rúmgott og afar vel útbúið veiðihús með fjórum tveggja manna svefnherbergjum með baðherbergi og sturtu. Góður sólpallur er við húsið, heitur pottur og gasgrill. Húsið er eitt það flottasta sem í boði er á svæðum þar sem veiðimenn sjá um sig sjálfir. Klósettpappír er í húsinu sem og hreinsivörur svo hægt sé að þrífa að dvöl lokinni. Einnig er hægt er að kaupa þrif. Í húsinu er bakaraofn, sjónvarp og helsti borðbúnaður fyrir að minnsta kosti 8 manns.
Lyklar að húsinu eru í sérstöku lyklahúsi sem opnast með kóða. Fólksbílafært er að veiðihúsinu.
Veiðihúsið er staðsett í landi Svignaskarðs u.þ.b. 20 km frá Borgarnesi. Beygt er til vinstri út af þjóðvegi 1 við Svignaskarð og síðan tekinn fyrsti afleggjari til hægri og hann ekinn alveg út á enda (4-5 mín.) og þá blasir veiðihúsið við.
Veiðivörður er Magnús Fjeldsted S: 866-1013. Hann getur einnig haft milligöngu um þrif á húsinu vilji veiðimenn kaupa slíka þjónustu.
Eftir að kvóta er náð er heimilt að veiða á flugu en skylt að sleppa öllum laxi. Veiðimenn eru hvattir til að taka hreistursýni en góð aðstaða er til þess í vöðlu- og aðgerðarherbergi
Veiðisvæðið nær frá Klaufhamarsfossi að Norðurá og er u.þ.b. 13 km langt.
Í Veiðimanninum #206 frá 2018 bls. 48, má finna mjög góða veiðistaðalýsingu af ánni.
Borgarnes: 20 km og Reykjavík um 100 km
Deildartunguhver, hellarnir Víðgelmir og Surtshellir, Barnafoss og Hraunfossar, Húsafell, Grábrók, Glanni í Norðurá og Paradísarlaut
Paradísarlaut, Húsafell og Langavatn
Stangaveiðifélag Reykjavíkur s: 568 6050, svfr@svfr.is
Verðið sem gefið er upp er fyrir félagsmenn, utanfélagsmenn greiða 20% hærra verð
Frá og með 14. ágúst er veitt frá 15.00– 21.00 á seinni vaktinni
„Við sáum ekki fisk en ég hef veitt í ánni áður og aldrei séð veiðina svona rólega þarna, það hlýtur eitthvað að hafa komið fyrir,” sagði veiðimaður sem var við
„Við fjölskyldan förum árlega í Gljúfurá í Borgarfirði og höfum gert í nokkur ár. Alltaf jafn æðislegt. Margir fjölskyldumeðlimir hafa fengið sinn maríulax hér,“ segir Egill Orri Guðmundsson 11 ára
,,Við fengum fjóra laxa og einn sjóbirting hollið, þetta var allt í lagi, það eru mest fiskar á miðsvæðinu og efsta, en minna á neðsta svæðinu“ sagði Jóhann Gísli Hermannsson
