Meðalfellsvatn í Kjós er um 2 km² að stærð og um 18 m djúpt þar sem það er dýpst. Vatnið er í 46 metra hæð yfir sjávarmáli. Í það renna Sandsá og Flekkudalsá, en úr því fellur Bugða sem rennur í Laxá í Kjós. Mest veiðist af smábleikju, en einnig nokkur urriði, sjóbirtingur og lax. Lax gengur oft upp í Meðalfellsvatn og hafa menn veitt þar grálúsuga laxa frá miðju sumri og út veiðitímabilið. Þar sem mikið er af smábleikju í vatninu hentar það mjög vel fyrir ungviðið. Góðir veiðistaðir að vori eru undan Grástein og Skógum undir suðvesturhlíðinni sem og við ósa Sandsár. Þegar líða fer á sumarið dreifist veiðin nokkuð mikið um vatnið og gefa flestir staðir álíka vel.
Tjaldsvæðið á Hjalla s: 855-2219
Athugið að veiðisvæðið við upptök Bugðu er vaktað og séu veiðarfæri nær ós en 50 metrum mega menn búast við fjársektum og upptöku veiðarfæra. Snyrtileg umgengni er skilyrði og bannað er að skilja eftir rusl við vatnið. Allur akstur utan vega og slóða er stranglega bannaður. Veiðikortshafar sem valda umhverfisspjöllum eru ábyrgir gagnvart landeiganda. Veiðiskýrslur er hægt að sækja á vef Veiðikortsins og prenta út. Ef veiðist fiskur, sem er merktur, ber að geta þess í veiðiskýrslu.
Keyrt er inn í Hvalfjörð rétt áður en komið er að Hvalfjarðargöngum. Síðan er beygt til hægri og ekið frá Hvalfirði um veg nr. 461 sem liggur að vatninu.
Heimilt er að veiða í öllu vatninu. Bannað er þó að veiða nær ósi Bugðu en 50 metra
Akranes; 32 km, Mosfellsbær: 34 km, Reykjavík: um 48 km og Reykjanesbær: 90 km
Kaffi Kjós s: 566-8099
Vatnið er hluti af Veiðikortinu
frá kl. 7:00 – 22:00 dagalega
„Við erum búnir að fara á nokkra staði að dorga í vetur, ísinn er þykkur og við fengum 7 fiska, þetta er skemmtilegt og útiveran góð, en það verður að
„Það er verið að fara yfir kennsluefnið hérna, æfing fyrir sumarið kallinn,“ sögðu þeir félagarnir Jakob og Kolbeinn við Meðalfellsvatn í dag, þegar þeir voru teknir tali og æfingin trufluð
„Það er rólegt og ísinn er hnausþykkur þessa dagana,“ sagði Hjörtur Sævar Steinason þegar við hittum á hann við Meðalfellsvatnið í dag. Ísinn er sannarlega þykkur á vatninu líklega um
„Já, þetta var flottur sjóbirtingur sem hann Guðmundur Garðarsson veiddi um helgina í Meðalfellsvatni, tengdafaðir minn,“ sagði Ari Einarsson í samtali og bætti við; „fiskinn veiddi Guðmundur á bát. Sjóbirtingurinn tók
Það var frekar kuldalegt við Meðalfellsvatn í gær en einn og einn veiðimaður að renna fyrir fisk. Já það var skítkalt en það hefur hlýnað verulega miðað við síðustu daga. En útiveran
