Meðalfellsvatn í Kjós er um 2 km2 að stærð og um 18 m djúpt þar sem það er dýpst. Vatnið er í 46 metra hæð yfir sjávarmáli. Í það renna Sandsá og Flekkudalsá, en úr því fellur Bugða sem rennur í Laxá í Kjós. Mest veiðist af smábleikju, en einnig nokkur urriði, sjóbirtingur og lax. Lax gengur oft upp í Meðalfellsvatn og hafa menn veitt þar grálúsuga laxa frá miðju sumri og út veiðitímabilið. Þar sem mikið er af smábleikju í vatninu hentar það mjög vel fyrir ungviðið. Góðir veiðistaðir að vori eru undan Grástein og Skógum undir suðvesturhlíðinni sem og við ósa Sandsár. Þegar líða fer á sumarið dreifist veiðin nokkuð mikið um vatnið og gefa flestir staðir álíka vel.
Suðvesturland
Veiðin
Gistimöguleikar
Veiðireglur
Athugið að veiðisvæðið við upptök Bugðu er vaktað og séu veiðarfæri nær ós en 50 metrum mega menn búast við fjársektum og upptöku veiðarfæra. Snyrtileg umgengni er skilyrði og bannað er að skilja eftir rusl við vatnið. Allur akstur utan vega og slóða er stranglega bannaður. Veiðikortshafar sem valda umhverfisspjöllum eru ábyrgir gagnvart landeiganda. Veiðiskýrslur er hægt að sækja á vef Veiðikortsins og prenta út. Ef veiðist fiskur, sem er merktur, ber að geta þess í veiðiskýrslu.
Kort og leiðarlýsingar
Keyrt er inn í Hvalfjörð rétt áður en komið er að Hvalfjarðargöngum. Síðan er beygt til hægri og ekið frá Hvalfirði um veg nr. 461 sem liggur að vatninu.
Heimilt er að veiða í öllu vatninu. Bannað er þó að veiða nær ósi Bugðu en 50 metra
Þjónusta í nágrenninu
Fjarðlægð til bæja
Akranes; 32 km, Mosfellsbær: 34 km, Reykjavík: um 48 km og Reykjanesbær: 90 km
Veitingastaðir
Kaffi Kjós 868-6602
Veiðileyfi og upplýsingar
Vatnið er hluti af Veiðikortinu
Daglegur veiðitími
Varðandi daglegan veiðitíma
frá kl. 7:00 – 22:00 dagalega
Staðsetning
Suðvesturland
Fréttir af veiði Meðalfellsvatn
Engin nýleg veiði er á Meðalfellsvatn!
© 2021 Veiðiheimar. Vefsíðugerð & hönnun: Basic Markaðsstofa