Óhætt er að segja að Veiðivötn séu ein rómuðustu, gjöfulustu og frægustu veiðivötn landsins. Um er að ræða vatnaklasa í Landmannaafrétti sem samanstendur af allt að 50 vötnum. Um er að ræða bæði lítil og stór vötn sem eru í um 570 ~ 590 metrum yfir sjávarmáli. Flestir telja Veiðivötn og veiðivatnasvæðið eitt það fallegasta á landinu. Stærstu vötnin eru Litlisjór, Grænavatn, Ónýtavatn og Snjóölduvatn. Litlisjór er langstærstur eða um 9,2 km², Grænavatn 3,3 km² og Snjóölduvatn 1,6 km². Þessi vötn eru ekki gígvötn og urðu til fyrir 1480.
Í Veiðivötnum er mikið af gríðarvænum og öflugum urriða af ísaldarstofni, þ.e. sjóbirtingi sem lokaðist inni við lok síðustu ísaldar. Einnig er mikið af bleikju, bæði lítilli og stórri. Þar sem þetta er eitt vinsælasta og eftirsóttasta veiðisvæði landsins, seljast veiðileyfi yfirleitt upp á skömmum tíma.
Veiðiverðir vilja biðja þá sem koma seint í hús að fara hljóðlega og sýna öðrum tillitssemi. Allt skal komið í ró kl. 01:00 eftir miðnætti. Ekki er selt eldsneyti í Veiðivötnum. Næsta verslun, veitingasala og eldsneytissala er í Hrauneyjum. Veiðimenn eru hvattir til að ganga varlega um viðkvæma hálendisnáttúruna í Veiðivötnum og virða varp fugla. Minnt er á að allur akstur utan merktra slóða er bannaður. Hundafólki er bent á að passa vel uppá hunda sína á svæðinu. Hafa ber hundana ávallt tjóðraða á svæðinu.
Ekki er aðstaða til að hlaða rafbíla í Veiðivötnum. Sull í ám og fínn sandur er ekki talið fara vel í rafbíla.
Veiðisvæði Veiðivatna: Það er mjög víðfemt og samanstendur af 50 vötnum
Helstu vötn: Breiðavatn, Eskivatn, Hellavatn, Arnarpollur, Grænavatn, Kvíslarvatnsgígur, Kvíslarvatn, Krókspollur, Langavatn, Litla Breiðavatn, Litla Fossvatn, Litlisjór, Miðvatnið, Litla Skálavatn, Nýjavatn, Nýrað, Nyrsta Hraunvatn, Ónýtavatn, Fremra Ónýtavatn, Ónefndavatn, Pyttlur, Rauði Gígur, Skeifan, Stóra Fossvatn, Stóra Hraunvatn, Skyggnisvatn, Snjóölduvatn, Stóra Skálavatn og Tjaldvatn.
Veiðivötn s: 864-9205, netfang: [email protected]
Fastir viðskiptavinir ganga fyrir. Laus veiðileyfi eða gistipláss fara á vefinn um miðjan mars og í almenna sölu í byrjun apríl
Er frá kl. 7:00 til miðnættis
„Veiðin gekk frábærlega í Veiðivötnum fyrir fáum dögum og við fengum fína veiði, hresst lið þarna við veiðarnar skal ég segja þér,“ sagði Jógvan Hansen, sem var að koma enn
„Já byrjunin í Veiðivötnum var flott og góð veiði hjá flestum veiðimönnum, góðir fiskar,“ sagði Jón Ingi Kristjánsson, sem var að opna Veiðivötn en Jón hefur veitt þar síðan 1973.
„Jú maður fer að veiða eins mikið og maður kemst yfir á hverju sumri, mest í silungsveiði, hún er svo skemmtileg,“ sagði Sigurður Reynisson veiðimaður, þegar við heyrðum í honum
„Við skruppum aðeins um daginn og fengum nokkra fiska, Stóra Fossvatn var að gefa okkur fína veiði,“ sagði Pálmi Gunnarsson sem var í Veiðivötnum fyrir skömmu, en góð veiði hefur verið í Veiðivötnum
„Já það gekk vel í Veiðivötnum og þetta var fín veiði hjá okkur,“ sagði Jón Ingi Kristjánsson, sem þykir fátt skemmtilegra en að veiða í Veiðivötnum og var þar fyrir skömmu.
Daníel Dagur Bjarmason tók í gær við bikar fyrir stærsta fiskinn sem veiddist í Veiðivötnum í fyrra. Það var engin smá skepna eða sextán punda urriði sem hann veiddi í
Þetta var fín ferð í Veiðivötn lentum meðal annars í bingói í Litlasjó og ég tók 11 fiska á fluguna og pabbi tók 5″ sagði Birgir Örn Pálmason sem hefur
