88000 kr. – 92800 kr.
Blanda er ein albesta laxveiðiá landsins með sterkan stórlaxastofn. Alltaf hefur mikill lax verið í henni en áður en hún var virkjuð var hún mjög gruggug svo að laxinn sá sjaldnast beituna og var húkk helsta veiðiaðferðin, en það er úr sögunni eftir að jökulaurinn hvarf. Veiðin hefst á svæði I í Blöndu í byrjun júní og er erfitt að finna laxveiðiá sem að jafnaði skilar jafn góðri veiði í júní og í byrjun júlí. Dammurinn og Breiðan eru veiðistaðir sem gefa yfirleitt góða veiði allt veiðitímabilið. Áin er um 125 km að lengd, sem gerir hana að áttundu lengstu á landsins, og er vatnasviðið um 2300 ferkílómetrar. Meðalveiði síðustu 10 ára er um 2030 laxar.
Veiðimenn gista í hinu glæsilega veiðihúsi Hólahvarfi. Í húsinu er að finna tveggja manna herbergi öll með sérbaði. Setustofan er rúmgóð og þægileg með fallegt útsýni yfir ána. Á veröndinni eru heitir pottar og hægt er skella sér í saunu kjósi menn það frekar. Veiðihúsið fékk nýlega andlitslyftingu svo það uppfyllti kröfur núverandi leigutaka.
Gisti og fæðisskylda er í júní og júlí og fram til 2. ágúst. Frá og með öðrum ágúst er gisting ekki í boði með veiðileyfum í Blöndu I en fjölmargir gistimöguleikar til staðar á Blönduósi og nágrenni.
Leyfilegt að taka einn hæng undir 68 cm á vakt. Eftir það má að sjálfsögðu veiða og sleppa.
Í Blöndu 1 eru 4 stangir, tvær á hvorum bakka. Tímabilið á því svæði er frá 5. júní – 5 september. Á svæði 2 er einnig um að ræða 4 stangir, tvær á hvorum bakka og tímabilið er það sama og á svæði I. Á svæði 3 eru leyfðar 3 stangir og veitt frá 20. júní – 20. september.
Blanda er mjög vatnsmikil og straumhörð á, því hvetjum við veiðimenn til að fara mjög varlega og nota vaðstaf og björgunarvesti við veiðar.
Svæði I er neðan Ennisflúða. Svæði II er frá Breiðavaðslæk að heimreið að Æsustöðum. Svæði III nær frá Æsustöðum að útfalli Blönduvirkjunar
Blönduós: 20 km / Akureyri: 124 km / Reykjavík: 264
Akureyrarflugvöllur: 127 km / Reykjavíkurflugvöllur: 264 km
Eftir 15. ágúst er seinni vaktin frá 15-21
Fyrsti laxinn er kominn á land í Blöndu en það var veiðimaðurinn klóki, Reynir M Sigmunds, sem landaði þeim laxi, en með honum á stöng er Árni Baldursson. Laxinn veiddist á Breiðunni
„Maður er búin að veiða fyrsta laxinn í sumar en það hafa veiðst fjórir laxar í Blöndu,“ sagði Þórir Traustason við veiðar í Blöndu þessa dagana. En fjórir laxar hafa
Þegar veiðimenn í Blöndu vöknuðu á mánudagsmorgun og litu út um gluggann fór hrollur um marga. Hún Ragna Sara Jónsdóttir var í þeim hópi. Hryllti sig yfir veðrinu en lét
Smálaxinn er að mæta af krafti í Blöndu. Þetta staðfesti veiðimaður í samtali við Sporðaköst nú síðdegis. „Já. Þarna koma þrír í viðbót inn. Þetta eru svona fimmtán fiskar bara
Fyrsta laxinum úr Blöndu var landað í morgun. Mönnum var verulega létt og ekki spillti fyrir að laxar sáust á nokkrum stöðum. Í Holunni, Dammnum og rétt í þessu þrír
Laxveiði hófst í Blöndu í gær. Enginn lax kom á land á fyrsta degi og er það svipuð staða og var í opnun í fyrra. Reyndir veiðimenn sem opnuðu Blöndu
„Já þetta var rólegt í dag þegar áin opnaði, tveir hoplaxar komu á land,“ sagði Brynjar Þorbjörnsson sem var við veiðar í Blöndu við opnun árinnar í morgun. „Ég er
