Félagar í Fnjóská
júlí 19, 2021
Engar athugasemdir
Benjamín Þorri Bergsson sendi okkur þessar línur: “Fór 16. júlí á svæði 1 í Fnjóská með félögum mínum, Eyþóri og Ívari. Það var líf og fjör hjá okkur, settum í
Norðausturland
Eigandi myndar: Veiditorg.is
Veiðin
Fnjóská er 117 km að lengd, á upptök sín í Bleiksmýrardrögum og er ein vatnsmesta bergvatnsá landsins. Lax, sjóbleikja, urriði og staðbundin bleikja veiðist í Fnjóská en mest er um lax og sjóbleikju yfir veiðitímann. Göngur eru hvað mestar um miðbik og seinnihluta júlímánaðar. Veiðistaðir í Fnjóská eru flestir stórir og víðáttumiklir og jafnt rennsli en jafnframt mikill straumur gerir ána að frábærri fluguveiðiá. Um er að ræða spennandi kost, þar sem meðalþungi laxa er hár. Veitt er á átta stangir á fjórum svæðum og í Fnjóská er tilvalið að nota tvíhendur við veiðarnar. Seldir eru ýmist 2 dagar í senn, eða stakir hálfir dagar. Meðalveiði síðustu 10 árin er um 390 laxar.
Gisting & aðstaða
Veiðihús
Flúðasel er í landi Böðvarsness skammt neðan við mörk 2. og 3. veiðisvæðis. Húsin eru 5 samtals og er fyrirkomulagið á þá vegu að 3 hús hýsa 2 stangir hvert og er þar svefnpláss fyrir 4 í hverju húsi. Í fjórða húsinu er vöðlugeymsla í öðrum helming en hinn helmingurinn hýsir 1 stöng og eru þar 2 svefnpláss. Í Flúðaseli sjálfu eru svo 2 svefnpláss til viðbótar ásamt svefnlofti. Menn leggja sjálfir til allan sængurfatnað og handklæði, þrífa eftir sig og fara með allt rusl í gáma, sem t.d. eru við þjóðveginn a.m.k. á tveimur stöðum við ána.
Athugið að veiðihúsin eru eingöngu fyrir veiðimenn á svæðum 1-4 og aðeins er heimilt að nýta 2 svefnpláss fyrir hverja stöng
Veiðireglur
Veiðimenn eru beðnir um að loka alltaf hliðum á eftir sér og aka ekki um tún og ótroðnar slóðir nema með leyfi landeigenda. Einnig eru veiðimenn beðnir um að sýna landeigendum og öðrum veiðimönnum tillitssemi, ganga vel um landið og skilja ekki eftir rusl við ána. Alla veiði á að færa í rafræna veiðibók Fnjóskár á fnjoska.is. Þar er einnig hægt að skoða veiði síðustu ára.
Leyfilegur hámarksafli á hverja stöng er 1 hængur, undir 70 cm, á hálfum degi. Eftir það má veiða á flugu og sleppa
Kort og leiðarlýsingar
Ekinn er þjóðvegur 1 frá Akureyri til austurs, um Vaðlaheiðargöng, þar til komið er að brúnni yfir Fnjóská rétt neðan við Vaglaskóg. Farið er yfir brúna og stuttu síðar beygt til vinstri inn á veg 835, sem liggur niður Fnjóskadal til Grenivíkur. Veiðihúsin eru á hægri hönd 9 km frá þessum vegamótum.
Í Fnjóská eru 4 veiðsvæði, en á þeim eru samtals 68 merktir veiðistaðir (sjá hér)
Þjónusta í nágrenninu
Fjarðlægð til bæja
Akureyri: 26 km um Vaðlaheiðargöng, annars 43 um Fnjóskádalsveg
Reykjavík: 413 km um Vaðlaheiðargöng
Nærliggjandi flugvellir
Akureyrarflugvöllur: 26 km
Nestisstaðir
Vaglaskógur og golfvöllurinn að Lundi: 19 km
Veiðileyfi og upplýsingar
Stangaveiðifélagið Flúðir, upplýsingar og fróðleik má finna á vefsíðu félagsins; www.fnjoska.is.
Daglegur veiðitími
Morgunvakt
Kvöldvakt
Varðandi daglegan veiðitíma
Frá 12. ágúst er seinni vaktin frá kl. 15 til 21
Staðsetning
Norðausturland
Vinsælar flugur
Myndasafn
Fréttir af veiði Fnjóská
Glæðist í Fnjóská
júlí 13, 2021
Engar athugasemdir
Það er að lifna yfir Fnjóská eftir miklar leysingar undanfarnar tvær vikur. Áin er ennþá vatnsmikil og örlítil snjóbráð í henni en orðin vel veiðanleg og fiskur að koma inn
Lifnar yfir Fnjóská
júlí 9, 2021
Engar athugasemdir
Verulega hefur dregið úr leysingavatni í Fnjóská síðustu daga og er rennslið núna komið niður í 125 m3/sek og góður litur á vatninu. Veiðimenn sem hófu veiðar seinni partinn í