62800 kr. – 62800 kr.
Óhætt er að fullyrða að urriðasvæðin í Laxárdal og Mývatnssveit séu einstök á heimsvísu. Fyrir þá sem vilja undurfagurt umhverfi og mikið af urriða er Mývatnssveitin rétti staðurinn. Fyrir utan góða og jafna veiði undanfarin ár þá er áin einstök: Hraðir strengir og fallegir flóar, flúðir og lygnir hyljir; allt í umhverfi sem á engan sinn líka. Þetta er einfaldlega svæði sem allir fluguveiðimenn verða að prófa að minnsta kosti einu sinni á ævinni. Í Mývatnssveit er meðalstærðin smærri en í Laxárdal en þar veiðast talsvert fleiri fiskar. Aðgengi er erfiðara en í Laxárdal og þurfa veiðimenn að ganga nokkurn spöl að veiðistöðum á sumum svæðum. Mest allt sumarið er veitt í 2-3 daga hollum, en stakir dagar hafa einnig verið í boði. Meðalveiði síðustu ára er um 3000 urriðar.
Veiðimenn gista í veiðihúsinu Hofi þar sem þeir greiða fyrir uppábúin rúm og fullt fæði á staðnum. Í húsinu eru 13 tveggja manna herbergi og 5 eins manns herbergi. Þar er setustofu og stór matsalur þar sem matur er framreiddur á hlaðborði. Góð vöðlugeymsla og aðgerðaraðstaða er í veiðihúsinu. Við húsið er fínasti heiti pottur.
Leyfilegt er að hirða 2 urriða á vakt. Öllum fiski undir 35 cm skal sleppt og skylt er að sleppa 60 cm urriða og stærri
Veitt er á 14 dagstangir (eitt svæði er ávallt hvílt)
Keyrt er yfir Fljótsheiði á leið austur frá Akureyri. Þegar komið er niður af heiðinni er tekin hægri beygja í átt að Laugum (vegur 1) og keyrt sem leið liggur í átt að Mývatni. Fljótlega eftir að farið er framhjá bænum Helluvaði er beygt til vinstri og keyrt yfir brú á Laxá, veiðihúsið blasir nú við á vinstri hönd og er beygt að því á sama stað of farið er að Hofstöðum.
Veiðisvæðið nær yfir þann hluta árinnar er tilheyrir Mývatnssveit og efsta hluta Laxárdals. Samtals eru svæðin 8 talsins
Húsavík: um 60 km, Akureyri: 67 km um Vaðlaheiðargöng, Reykjavík: 455 km um Vaðlaheiðargöng
Akureyrarflugvöllur: 67 km um Vaðlaheiðargöng
Skútustaðagígar: 6 km, Dimmuborgir: 16 km, Grjótgjá: 20 km, Jarðböðin: 20 km og Námaskarð hverir: 23 km
Eftir 15. ágúst er seinni vaktin frá 15.00 til 21.00
„Við konan mín, Ingibjörg Bryndís Hilmarsdóttir, áttum tvær vaktir í Laxá í Mývatnssveit um helgina. Kvöldvaktina í Geldingaey og morgunvaktina á Arnarvatni,” sagði Gylfi Jón Gylfason og bætti við; „túrinn
Það er sannkallað vetrarveður í Mývatnssveitinni og flestir úr hollinu sem ættu að ljúka veiðum um hádegi á morgun eru farnir til að komast suður áður en heiðarnar lokast! Það
Veiðin á urriðasvæðinu í Þingeyjarssýslu hefur verið góð það sem af er veiðitímanum og veiðimenn verið að fá fína veiði. þeir hafa að veiðast vel vænir og stórir og einn
„Það hefur verið ævintýraleg veiði í dag og það veiddust hátt í 200 fiskar í dag, þetta gengur mjög vel,“ sagði Þorsteinn Bachmann leikari, sem hefur verið við á urriðasvæðinu
Eins og veiðimenn sem hafa sótt heim Mývatnssveitina vita, þá hefur meðalstærð fiska þar farið vaxandi. Kristján Jónsson hefur stundað svæðið lengi og oft fengið væna fiska en aldrei ævintýri
„Þetta var svakalega skemmtileg ferð á urriðaveiðið í Laxá í Þingeyjarsýslu en ég hef aldrei komið þarna áður en ætla örugglega þarna aftur“ sagði Hilmar Þór Sigurjónsson, sem var að
Opnunarhollið í urriðanum í Mývatnssveit var þrír og hálfur dagur. Hófst á sunnudagsmorgun og lauk á hádegi í gær. Við höfum flutt fréttir af mikilli veiði sem hollið lenti í.
„Þetta var meiriháttar dagur en það veiddust yfir 140 fiskar í dag og þetta er ein besta opnun í langan tíma“ sagði Bjarni Júlíusson hættur að veiða í dag, er við
