25000 kr. – 40000 kr.
Minnivallalækur er í Landsveit, ekki langt frá Hellu. Hann á fáa sína líka í heiminum. Kristaltært og frjósamt lindarvatnið veitir umgjörð utan um einhver allra bestu búsvæði urriða sem fyrirfinnast á Íslandi. Staðsetning lækjarins gerir það að verkum að hitastig vatnsins er mjög jafnt, leiðnin há og frjósemi mikil. Þessar aðstæður skapa kjörlendi fyrir skordýralíf og henta urriða feykivel. Það er óvíða í heiminum sem veiðimenn eiga möguleika á að setja í tíu punda urriða á pínulitlar þurrflugur í stærðum 18 og jafnvel minni. Á hverju ári veiðast urriðar sem eru um og yfir 10 pund og fjöldi fiska á bilinu 4-8 pund. Minnuvallalækur er svo sannarlega paradís urriðaveiðimannsins.
Við efsta veiðistað Minnivallarlækjar, Húsabreiðu, stendur glæsilegt og notalegt veiðihús til afnota fyrir veiðimenn. Í húsinu eru fjögur uppbúinn tveggja manna herbergi, tvö baðherbergi með sturtu, eldhús, borðstofa og setustofa. Á pallinum við húsið er heitur pottur og þar er einnig gasgrill. Í húsinu er bakaraofn, helluborð, tveir ísskápar – annar með frystihólfi og uppþvottavél. Til að kveikja á heitum potti þarf að slá inn rofa, merktum heitum potti, í rafmagnstöflu inni í eldhúsi. Hitastig á pottinum ætti að vera fínt við komuna í hús og þar sem sírennsli er í pottinn þarf ekki að tæma hann við brottför. Við biðjum gesti okkar þó um að slá pottinum út aftur við brottför. Á komudegi má mæta í húsið eftir kl. 14 en veiðimenn þurfa að fara úr húsi kl. 13 á brottfarardegi.
Seldir eru tveir eða þrír dagar í senn frá hádegi til hádegis. Þó eru seldir stakir dagar með stuttum fyrirvara.
Veiðisvæðið nær frá upptökum, en Húsabreiða er í raun efsti veiðistaður, til ármóta við Þjórsá. Það er samtals um 7 km langt
Hella: 32 km, Selfoss 54 km, Reykjavík: 111 km, Akureyri: 481 km
Reykjavíkurflugvöllur: 112 km, Keflavíkurflugvöllur: 150 km
Veiðþjónustan Strengir s: 660-6890, [email protected], www.strengir.com
Veiðimenn mega haga veiðitíma að eigin ósk en þó innan 12 stunda ramma á hverjum sólarhring. Þó skal veiði hefjast kl. 15:00 á komudegi og ljúka kl. 12:00 á brottfarardegi.
Hann Ómar Smári og félagi skutust í lækinn í dag og settu aldeilis í hann. Lönduðu 4 fiskum úr Stöðvarhyl á bilinu 60-75 cm! Stærstur var þessi 75 cm urriði
Hann Hrafn Hauksson var að koma úr tveggja daga veiði úr Minnivallalæk ásamt félaga og sendi okkur þessa línu, Hrafn segir um veiðiferðina; „Það var hávaða helvitis rok báða dagana
Hópur með veiðimanninum Hrafni Haukssyni gerði góðan túr í Minnivallalæk um helgina er óhætt að segja. Fengu þeir 36 fiska og flest allir vænir urriðar og stærstu voru hátt í
Veiði hófst 1. apríl í Minnivallalæk eins og víða annars staðar og komu nokkrir fiskar þar á land. Það sem þótti merkilegt er að flestir þeirra voru vænir regnbogasilungar, allt
Það er ekki nema mánuður þangað til sjóbirtingsveiðin byrjar fyrir alvöru og veiðimenn hafa aldrei hnýtt eins mikið af flugum eins og síðustu vikurnar víða um land. Verður spennandi að sjá
Frétt frá Þresti Elliðasyni: “Hópur veiðimanna sem þekkir lækinn vel var við veiðar um helgina og gerði góða veiði. Fengu þeir 14 fiska, þá stærstu allt að 70 cm og
„Já kíktum í Minnivallalæk ég og Stefán bróðir, vorum að vinna í veiðihúsinu og kíktum svo aðeins í veiði eftir það, “sagði Ómar Smári Óttarsson í samtali við Veiðar. „Við byrjuðum á
