17000 kr. – 38000 kr.
Í Vola er staðbundnn urriði, staðbundin bleikja, sjóbirtingur, sjóbleikja, lax og jafnvel stöku áll. Má segja að von sé í ágæta silungsveiði frá vori og fram til loka á haustin. Seld eru veiðileyfi til almennings og einungis eru 2 stangir leyfðar dag hvern út tímabilið sem nær. Veiðikort er af svæðinu með góðum vegamerkingum og bæjarnöfnum auk merktra veiðistaða. Svæðið er í nágrenni Selfoss eða innan við 10. mín. akstur hvort sem farið er að efri hluta svæðisins ( t.d. veiðihúsi ) eða að neðri veiðimörkum sem eru gamla brúin við Bár.
Veiðihús er á svæðinu og stendur það við gömlu brúna við Vola. Í húsinu er svefnaðstaða fyrir 4-6 manns, rennandi vatn, salerni, raflýsing, gashitun, gashellur, kolagrill o.fl. Veiðimenn skulu rýma húsið fyrir kl. 19.00 að kvöldi brottfarardags til að gefa þeim sem á eftir koma kost á að koma sér fyrir áður en veiði hefst kl. 20.00. Veiðimönnum ber að þrífa húsið vandlega fyrir brottför og fjarlægja rusl. Veiðihúsið fylgir seldu veiðileyfi.
Taka má 3 fiska á dag á hverja stöng, en öllum fiski yfir 65 cm skal sleppt. Öllum sjóbirtingi ber að sleppa eftir 10. október. Veiðibók liggur frammi í veiðihúsi og er einnig í póstkassa við brúnna hjá Þingborg. Veiðimönnum er skylt að skrá allan afla. Stangirnar tvær á svæðinu eru ávallt seldar saman.
Vorveiði er frá 2. apríl til 31. maí en þá er eingöngu leyfð fluguveiði og skal öllum fiski sleppt. Tvær stangir eru í boði og eru seldar saman.
Með Bitrulæk er svæðið um 12-14 km. Það nær frá brú við Þingborg að gömlu brúnni við Bár
Selfoss: 15 km, Reykjavík: 72 km, Akureyri: 443 km
Veiðileyfi: leyfi.is
Veiðivörður: Almar Sigurðsson Lambastöðum s: 777-0705. Umsjónarmenn: Steingrímur Ólafsson s: 897-3447 / Jón Birgir Kristjánsson s: 695-9273
frá 07:00 – 22:00. Veiðileyfið gildir frá kl. 20:00 – 22:00 kvöldið fyrir veiðidag og frá kl. 07:00 – 19:00 að kvöldi veiðidags
Áhugi á vorveiði á sjóbirtingi er mikill. Víða er uppselt í þekktu og hefðbundnu vorveiðisvæðin í Vestur – Skaftafellssýslu og á sama tíma hefur verðið á veiðileyfum þar um slóðir
„Þetta var bara meiriháttar og við Dögg Hjaltalín fengum fína veiði í Vola í fyrradag, flotta fiska,“ sagði Anna Lea Friðriksdóttir sem var að koma úr síðasta veiðitúr sumarsins með fína
