Vötnin í Svínadal eru þrjú: Eyrarvatn, sem Laxá í Leirársveit fellur úr, þá Þórisstaðavatn (Glammastaðavatn) og efst Geitabergsvatn, en þau eru samtals 3.12 km² að flatarmáli og er miðvatnið stærst þeirra. Í vötnunum er bæði bleikja og urriði og lax fæst þar einnig enda er laxgengt í vötnin. Silungarnir geta orðið mjög vænir í vötnunum og er nokkuð jöfn veiði út tímabilið. Að vötnunum er ekið út frá þjóðvegi um Hvalfjörð hjá Ferstiklu og þegar komið er upp á hálsinn blasa vötnin við sjónum.
Á svæðinu er skipulagt tjaldsvæði með snyrtiaðstöðu sem hægt er að kaupa aðgang að. Í næsta nágrenni má finna hótel, sveitakrá, hestaleigu, sundlaug og sölubúð.
Þórisstaðir, s: 691-2272, leigja út sumarhús og ferðavagna.
Veiðisvæðið spannar allt Geitabergsvatn, allt Þórisstaðavatn og norðanvert Eyrarvatn. Ekki má veiða í ánum, Þverá og Selós
Akranes: 30 km, Reykjavík: 67 km, Keflavík: 108 km og Akureyri: 336 km
Glymur, hæsti foss Íslands: 21 km, Hernámssetrið s: 433-8877: 4 km, Bjarteyjarsandur s: 433-8831: 9 km
Þóristaðir s: 897-5188, [email protected]
Leyfilegt er að veiða frá kl. 07.00 til kl. 23.00 til 20. ágúst, en eftir það má aðeins veiða til kl. 21.00
„Já maður er alltaf eitthvað að veiða og hnýta líka, fór að veiða upp í Svínadal um daginn og það var gaman,” sagði Hilmar Þór Sigurjónsson sem finnst fátt skemmtilegra en að
