Stangveiði á Arnarvatnsheiði hefur svo sannarlega átt vaxandi vinsældum að fagna hin síðari ár og margir tekið ástfóstri við þetta vatnasvæði. Vötnin á heiðinni eru fjölmörg og fjölbreytileg og þrátt fyrir alla nútímatækni, t.d. með bættum samgöngum, má segja að enn séu ókönnuð svæði víða á heiðinni. Í vötnunum á Arnarvatnsheiði er bæði urriði og bleikja og sömu tegundir má finna í ám og lækjum. Almennt er stærð bleikjunnar í vötnunum 1 – 3 pund en urriðinn er 2 – 5 pund. Silungurinn á heiðinni þykir afbragðs matfiskur enda nóg æti fyrir hann, aðallega mývargur. Hann ber að varast, því flugan virðist fara í manngreinarálit. Sumir veiðimenn verða vart varir við flugu en aðrir eru útstungnir og bólgnir eftir veruna á heiðinni.
Veiðifélag Arnarvatnsheiðar leigir út eftirfarandi gistimöguleika:
Veiðihús við Úlfsvatn (8 manna)
Veiðihús við Úlfsvatn (4 manna)
Húsin eiga að vera tilbúin fyrir næsta gest kl. 17 á brottfarardegi og þá fara skipti fram að öllu jöfnu en kjósi menn að fara fyrr getur sá næsti að sjálfsögðu sest fyrr að.
Lyklar eru afhentir mönnum í veitingarhúsinu við Hraunfossa. Millifæri menn fyrir veiðileyfi og húsaleigu verða þeir að sýna kvittun til að fá lyklana afhenta.
Gisting í leitarmannaskálunum kostar 3800 kr. á mann og verð fyrir hest er 250 kr. Ef menn vilja láta taka skálann frá fyrir sig þá þarf að borga sem nemur 12 gistirýmum 45.600 kr.
Ekki eru seldir hálfir dagar, þ.e.a.s veiðileyfi skiptist ekki milli daga. Hvert leyfi er bundið dagsetningu, samtals 24 klst. Skýrt skal tekið fram að hvert veiðileyfi gildir aðeins fyrir eina stöng, svokölluð „letingjaveiði“ er ekki heimil.
Eingöngu er leyfð fluguveiði í Refsveinu og Stóralóni og þar skal öllum fiski sleppt
ATH. Stranglega er bannað að vera með skotvopn á veiðisvæðinu! Torfærumótorhjól og fjórhjól eru ekki vel séð.
Eftirfarandi vötn tilheyra Veiðifélagi Arnarvatnsheiðar (sunnanverðrar):
Stóralón, Arnarvatn litla, Arfavötnin tvö, Ólafsvatn, Veiðitjörn, Leggjabrjótstjarnir, Mordísarvatn, Krummavatn, Jónsvatn, Krókavatn, Núpatjörn, Þorgeirsvatn, Þorvaldsvötn, Hlíðarvatn, Þórhallarlón, Strípalón, Hávaðavötn, Úlfsvatn, Grunnuvötn, Syðra-Kvíslavatn, Gunnarssonavatn, Djúpalón, Álftavötn, Kaldalón og Nautavatn.
Félagið nær einnig til allra fiskgengra áa og lækja, sem í fyrrgreind vötn falla eða tengja þau saman, svo til þeirra vatna og tjarna þar sem fiskur er eða fiskirækt er möguleg í á félagssvæðinu.
Menn athugi að til að þess komast á sunnanverða Arnarvatnsheiði þarf annað hvort að fara yfir vað á Norðlingafljóti, sem einungis er fært jeppum, eða yfir brú sem var tekin í notkun árið 2019. Ef farið er yfir brúna er torfært að Úlfsvatni (og því svæði) þannig að mönnum er bent á að vera á góðum jeppum ef þeir ætla að fara þá leið. Auðveldara er að komast áfram norður og í vötn eins og Núpatjörn.
Borgarnes: 97 km, Reykjavík: 160 km, Selfoss: 202 km og Akureyri: 343 km
Barnafoss og Hraunfossar, Húsafell, Víðgelmir og Surtshellir.
Veiði er leyfð allan sólarhringinn, en þó miðast veiðileyfi bara við einn dag; 24 klst.
Fish Partner og Veiðifélag Arnarvatnsheiðar hafa gert með sér samning þess efnis að hið fyrrnefnda taki að sér sölu veiðileyfa á þessu margrómaða svæði, en óhætt er að segja að
Silungsveiðin hefur víða gengið mjög vel og margir fóru til veiða um helgina og fiskarnir virðast vel haldnir og vænir. „Mjög góð veiði er á Arnarvatnsheiðinni og fallegir fiskar að
Arnarvatnsheiðin opnaði fyrir veiðimönnum þann 15. júní. Þeir hörðustu voru mættir upp eftir þann 14. og byrjuðu að veiða á miðnætti. Í þeirra hópi voru Grétar Þorgeirsson og synir. „Já.
Silungsveiðin hefur víða gengið vel eins og Skagaheiði og Arnarvatnsheiði. Fínir fiskar og flott veiði. Smærri fiska má samt finna víða í vötnum eins og Hreðavatni og Langavatni. En fjölskyldur
